YouTube
From Wikipedia, the free encyclopedia
From Wikipedia, the free encyclopedia
YouTube [ˈjuːtuːb oda ˈjuːtjuːb] is a Seitn im Internet, wou d'Nutza ummasunst Videos naafloon und ooschaung kinna. YouTube is am 4. april 2004 vu de ehemalign PayPal-Mitawaida Chad Hurley, Steve Chen und Jawed Karim gründt woan und hod sain Sitz z'San Bruno, Kalifornien. Am 9. Oktoba 2004 hod Google mitdeut, dass s' YouTube kifft hom.
Der Artikl is im Dialekt Noadboarisch gschriem worn. |
YouTube | |
---|---|
![]() | |
www.youtube.com | |
Motto | „Broadcast Yourself“ |
Kommerziäi | jo |
Beschreiwung | Videoportal |
Registriarung | Google-Konto optional (zum Auffelodn, Kommentian, Bewertn) |
Sprochn | Deitsch, 60 weidare |
Eigndima | Google Inc. (mehr) |
Urheba | Chad Hurley, Steve Chen und Jawed Karim |
Aussakema | 4. april 2004 |
Joareseinnohm | 15. Feba 2024 |
Af dera Seitn findt ma Fuim- und Feanseeausschnitt, Musikvideos und söiwadraade Fuim. Sognennte „Video-Feeds“ ko' ma in Blogs oda iwa a Programmiaschnittstöi (API) in Websiten ejbaun. A aktuelle Studie vum Mackfoaschungsinstitut Hitwise moant, dass 73 Prozent vu alle Bsouch vu US-Videoseitn af YouTube landn. As aigne Videoangebot vu da Muttagsöischaft Google kummt in dera Zait blouß af 8,4 Prozent.
Da Deu „Tube“ (aingtlich: Rean) im Nama is in da englischn Umgangssproch a Ausdruck fia 'n Feansee. Des kummt vo da „cathode ray tube“ (bar. Kathodnstroirean), ajso da Büidrean, wou fraja im Feansee drin woa. Da ganze Nama (weatlich: DuRean) loud se am bestn ajs „Du sendst“ iwatrong.
Am 9. Oktoba 2006 is YouTube vu da Souchmaschina-Fiama Google fia 1,31 Milliaadn Euro (in Aktien) kafft woan. D'Maakn YouTube soi waida heagnumma wean. De Fiama mit 67 Mitawaida - unta dene aa d'Gründa Chad Hurley und Steve Chen - wean as Gschäft voast unabhängich waidafian.
YouTube benutzt ajs Webserver Apache, fia Büida und andane statische Inajt wead a vaändate Veasion vu Lighttpd mit vabessade Lastvadeuung heagnumma. Zum Spaichan vu de ooglegtn Fümm kummt as Flash-Video-Format (Datainama-Eawaitarung .flv) zum Ejsatz. Spejda hod YouTube oogfange, saine Videos aa ins H.264-Foamat umzumwandln. Des is as Foamat, wos Apple heanimmt, damit ma YouTube-Videos afm iPhone oospün konn. D'jewailign Videoveasiona ko' ma iwa an Link untahaj' vu Veasion ooschaung, oda we' ma &fmt=18 an d'Video-URL droohengt. Sait im 25. Novemba 2008 wean geaignete Videos aa im 16:9-Braitbüidfoamat oozoagt.
D'Videos ko' ma ajs Stream im Internetprogramm („Browser“) ooschaung. Dou dafia braucht d'Adobe-Flash-Eawaitarung („Plugin“), wous fia alle gängign Internettprogramm gibt.
D'Möglichkait, Videos runtazumloon, hod YouTube ned voagseng und aa ned ejbaut. We' ma a Video owa trotzdem af d'Festplattn kopian wü, gibts dafia programmebasiate Lösungen waj z. B. Bookmarklets- oda Greasemonkey-Skripte. Es gibt owa aa Seitn im Internet, wou höifa, Videos zum spaichan. Ma konn owa aa oafach d'.flv-Datai ausm Zwischnspaicha vum Browser kopian.
Baispü vo Ospüüprogramm, wou unta Windows laffa und Flash-Videos olaffa loun kinna, san da Media Player Classic (mit FFDShow Filter), da VLC Media Player, da MPlayer und da extrich fia. flv-Datain gmachte FLV-Media Player. We' ma Eawaitarungen installiat, ko' ma. flv-Videos aa mit de wait vabraitetn Programm Windows Media Player und Winamp ooschaung.
Videos ko' ma bai YouTube in vaschiedne Foamat (waj z. B. AVI, MPEG, WMV oda Quicktime) naafloon. Empfoin wead a Videoaflejsung vu 480×360 Pixel ode meija. Unta'm Naafloon wean d'Videos ins Flash-Foamat (320×240 Pixel) oda ins H.264-Foamat (352×244 Pixel) umgwandlt. Bai da Skaliarung (ajso baim oobassn vu da Aflejsung) wean mögliche Qualitätsvalust eliminiat, wou duach a verlustbehaftete Formatkonvertierung entstaj kinna.
D'Videos deafa ned grejßa sai, waj 1 GB und ned lenga waj 10 Minutn. Mit am Director-Acount (Regisseur-Konto) woas möglich, lengane Videos neizumstöin, owa des gejht ajtz nemma. Ajtza kinna blouß nu Alt-Director-Kontn und Premium-Partner lengane Videos naafzumloon.
Sait Dezemba 2008 ko' ma aa houchaflejsnde Videos (HD) naafloon und ooschaung. Daj wean dann mit 1280×720 ogspüüt, ajso 720p.
D'Popularität vu YouTube loud se mit da groußn Gmainschaft eaklean, daj wou Videos naafloon, beweatn und kommentian konn.
YouTube is sait saine Gründung recht schnöi zum füandn Videopoataj im Internet woan. Momentan nimmt ma oo, dass YouTube in de USA an Mackoodeu (Marktanteil) vu 73 Prozent hod.
Nouch'm Eafoig vu YouTube woin aa d'privatn Feanseesenda z'Deitschland a Stickl vum Koucha. Im August 2006 hod RTL zougem, dass d'Videoseitn Clipfish vu eana kumma is, und a booa Wocha draaf hod se ProSiebenSat.1 Media mit 30 Prozent bai da Konkurrenz MyVideo ejkafft. Trotzdem blaibt YouTube aa in Deitschland Mackführa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.