Yma Sumac
From Wikipedia, the free encyclopedia
Yma Sumac (* 10. Septemba 1922 z Ichocán, Peru; † 1. Novemba 2008 z Silver Lake, Los Angeles, Kalifornien; Ima sumaq (Quechua: „Wia schee“); aa Imma Sumack oda Ima Sumack; amtli: Zoila Augusta Emperatriz Chavarri del Castillo) wor a peruanische Sängarin.
Sie hod mit ihra Stimm an riesign Tonumfang obdecka kenna. In jungen Joarn sechs Oktavn, späda vierahoib. So hod sie vo tiafn Oit-Notn bis hi zu ganz hohn Pfeifstimm-Notn singan kenna. Entdeckt worn is sie ois Voiksliadsängarin vo de Anden in ihra Stod Ichocán.
1992 hod da Günther Czernetsky an Dokumentarfuim Yma Sumac — Hollywood's Inkaprinzessin firs Deitsche Fernseng gmocht. Ihr Musi is a in an Haufa Kinospuifuim vawendt worn, z. B. in "The Big Lebowski" vo de Coen Briada oda im deitschn Spuifuim "Die Österreichische Methode" (Urauffihrung bei de Internationalen Hofer Filmtagen, 2006).