Thiasee
From Wikipedia, the free encyclopedia
| Thiasee Thiersee | ||
| Wobben | Ésterreich-Korten | |
|---|---|---|
 |
| |
| Basisdaten | ||
| Stoot: | Ésterreich | |
| Bundeslånd: | Tirol | |
| Pólitischer Bezirk: | Kufstein | |
| Kfz-Kénnzaachen: | KU | |
| Flechen: | 108,61 km² | |
| Koordinaten: | 47° 40′ N, 12° 24′ O | |
| Heechen: | 678 m ü. A. | |
| Eihwóner: | 3.162 (1. Jen. 2023) | |
| Bevökarungsdichten: | 29 Eihw. pró km² | |
| Póstlaatzoi: | 6335 | |
| Vurwoi: | 05376 | |
| Gmaandkénnziffer: | 7 05 27 | |
| NUTS-Región | AT335 | |
| Adress voh da Gmaandvawoitung: |
Vorderthiersee 44 6335 Thiasee Thiersee | |
| Nétzseiten: | ||
| Politik | ||
| Burgermaaster: | Hannes Juffinger (ÖVP) | |
| Gmaandrot: (Wahljahr: 2016) (15 Midgliader) |
||
| Lage der Gemeinde Thiasee Thiersee im Bezirk Kufstein | ||
 | ||
| Quelle: Gmaanddaten bei da Statistik Austria | ||
Thiasee (åmtl.: Thiersee) is a Gemeinde im Tirola Bezirk Kufstoa in Östarreich.
As Gemeindegebiet vo Thiasee astreckt si iwas Thiaseetåi, des vo Kufstoa weck bis zum Uasprungpåss geht. Es grenzt ån'dn Freistååt Bayern. Flächnmäßig is Thiasee di zwoatgräßte Gemeinde vom Bezirk Kufstoa und sogår no grässa ois as Stådtgebiet vo Innschbrugg.
Da heachste Punkt is as hintare Sonnwendjoch (1.986 m). 10,36 km² vom Gemeindegebiet wean låndwirtschåftlich gnutzt, 15,42 km² senn Åimen und 76,16 km² Wälda.
Gemeindegliedarung
Thiasee gliedat si in sechs Ortschåftn:
- Almen
- Hintathiasee
- Landl
- Mittalånd
- Schmiadtåi
- Vordathiasee
Nåchbårgemeindn
In Östarreich:
In Deitschlånd:
- Boarischzö
- Kiefasfödn
- Schliasee
Thiasee is eastmåis 1224 schriftlich awähnt woan und håd bis 1504 zu Bayern kheat. Im Spanischn Erbfolgekriag is da Ort zwischn 1702 und 1704 meamåis durch Plindarung und Brandschatzung schwar in Mitleidnschåft zochn woan.
Am Ufång vom 20. Jåhrhundat wår Thiasee no a baialiche Gemeinde und vakeahrtechnisch no nit aschlossn. A Fåhrstråssn vo Kufstoa aus is eascht im Easchtn Wödkriag baud woan. Danåch is sea vü baud woan und es is a zua Zasiedelung kemma.
1799 håm di Thiasea, um di Kriagsnot vom Tåi ozhåitn, dreimåi jäalich in da Fåstnzeit as Leidn und Sterbn des Heilands vor da Margarethen-Kirchn aufgfiad. No im söm Jåhr is as easchte Spühaus abaut woan. Di Behördn håm di Spiele zwår imma wieda vabotn, owa di Leit håm si treu dru khåitn.
1926 is a neis Spühaus arrichtet woan, då wo 1.000 Bsuacha Plåtz håm. Heit findn di Passionsspiele åi sechs Jåhr stått. Dabei wean si vo di Thiasea nit åis Brauchtumspflege aufgfåsst, sondan åis lebendiges Bekenntnis zum christlichn Glaubn.
1999 senn im Zuge vom 200-Jåhr-Jubiläum zwoa Nebngebäude dazuabaud und da Voaplåtz nei gståitet woan.
As Thiasea Wåppn weist durch di zwoa Lanzn auf di Passionsspiele hi.
Thiasee wår vo 1946 bis 1952 as Zentrum vo da östarreichischn Fümproduktion. In dem Zeitraum senn insgsåmt 18 Füm draht woan. Mitte 1952 is as Fümatelier in Thiasee vo da ÖFA (Wienfilm) zwengs di Weana Studios aufgem woan. As Thiasea Fümatelier is heit as oanzige ståndortbundene Fümatelier in Tiroi.
- Di Pfårrkirchn vo Landl, Vorda- und Hintathiasee
- As Passionsspühaus (aa a Europäisches Kultuadenkmåi)
- As Sieberer Denkmåi in Landl
- Da Wachtl-Express vo Kiefasfödn in Bayern nåch Wachtl
Im Summa findn jeds Jåhr zåireiche Feste vo di Ortsvareine stått. 2016 findn aa di naxtn Passionsspiele in Thiasee stått.
Sportvareine senn:
- da SV Thiasee
- da SC Hintathiasee
Thiasee is durch di Lånd- und Forstwirtschåft und vor åim durch'n Tourismus mtin Bådesee und an Wånda- und Schigebiet prägt. Außadem måchn aa di Passionsspiele ebbas aus. Vü Thiaseer pendln ins Untainntåi aus, obwois aa in Thiasee mit da Aduis GmbH (Vasonduntanehmen im Bereich Bastlbedarf) an bedeitende Firma gibb.
- Otto von Habsburg (1912 - 2011), Koasasohn
- Prof. Helmut Wlasak, Kammaschauspüa
- Johann Paukner
Weitare Pasönlichkeitn
- Jakob Sieberer, Schütznmajor und Gefährt vom Andreas Hofer
- Martina Lechner (*1978), ehemåige Schirennlaifarin
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
