From Wikipedia, the free encyclopedia
De Lokoibauhn Peggau–Üblboch (dt. Lokalbahn Peggau–Übelbach), maunchmoi aa Laundesbauhn Peggau–Üblboch oda Üblbochabauhn gnaunt, is a noamäuspuarige Regionäubauhn in da Steiamoak.
| Peggau–Üblboch | |||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Kursbuchstrecke (ÖBB): | 540 | ||||||||||||||||||||||||||||||||||||||||||||||||||||||||||||||||
| Strecknläng: | 10,247 km | ||||||||||||||||||||||||||||||||||||||||||||||||||||||||||||||||
| Stromsystem: | 15 kV 16,7 Hz ~ | ||||||||||||||||||||||||||||||||||||||||||||||||||||||||||||||||
| Maximale Neigung: | 32 ‰ | ||||||||||||||||||||||||||||||||||||||||||||||||||||||||||||||||
| Minimaler Radius: | 180 m | ||||||||||||||||||||||||||||||||||||||||||||||||||||||||||||||||
| Hächstgschwindigkeit: | 60 km/h | ||||||||||||||||||||||||||||||||||||||||||||||||||||||||||||||||
| Land: | Östareich | ||||||||||||||||||||||||||||||||||||||||||||||||||||||||||||||||
| Bundesland: | Steiamoak | ||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||
De Streckn wiad heit vo de Steiamärkischn Laundesbauhnan (STLB) betriam. Se is mit 15 kV Wexlstraum mit 16,7 Hz elektrifiziat, wiad im Zugleitbetrieb gfiaht[1] und is inan Vakeahsvabund Steiamoak integriat.
Wauns is, möödt da Tfzf, dass a bereit is zua Ohfoaht aunan STLB-Fdl vo Weiz mit den Wuatn: Wiad Zug 8753 augnumma?. Waun nix dagegn spricht, nocha wiad a mit den Wuatn Zug 8753 deaf bis Woidstoa kumman augnumma. Da Tfzf eatäut ihm aun da Trapeztofl woatendn 8754 mim Signoi Kumman de Eifoaht in de Vstu (Verkehrsstelle unbesetzt) Woidstoa. Nocha möödt a de duachgfiahte Kreizung und de Ohfoahbereitschoft in Woidstoa aunan Fdl in Weiz mit: Wiad Zug 8753 augnumma?. Waun nix dagegn spricht, nocha wiad a wieda mit den Wuatn Zug 8753 deaf bis Üblboch kumman augnumma. Noch da Aunkunft in Üblboch wiad de Möödung Zug 8753 in Üblboch aunan Fdl in Weiz ohge'm.
Aun Saumstogn is da Vakeah gemäß DV V3 STLB zan Ohwickln.
Dawäu koa Vakeha ned.
De Betriabsleitung eastööt fiaran jedn Sondazug a eigane Foahuadnung, de da Foahdienstleitung Weiz, da Fdl Peggau-Deutschfeistritz und den betreffendn Tfzf per E-Mail iwamittlt wiad.
Vua da Ohfoaht vo oin Zügn in Foahtrichtung 2 hod se da Tfzf davaun zan iwazeign, dass da Iwagaung frei is, zusätzli is es Signoi Ochtung zan ohge'm.
De Kommunitatiaun mim ÖBB-Fdl vo Peggau-Deitschfeistritz im Foi vo Aunschlussvaspätungan obliagt ihm Tfzf.
Wauns Weichniwawochungssignoi ealoschn is, muass da Tfzf vua da easchtbefoahranan Rückfoiweichn auhoidn. Noch Vaständigung vom Fdl is de Weichn auf de richtige Stöllung und deren Endlog zan iwaprüfn. Dofia begibt se da Tfzf zua Weichn. De Ohdeckung vom Weichnvaschluss is auf da Seitn vom Rückhuizylinda zan öffnan und de Mindestiwadeckungsflächn zwischn Vaschlussklaumpfn und Schiebastaungan mit an Viakaunt zan iwaprüfn. Waun de Mindestiwadeckungsflächn gressa is ois wia de Seitnläng vom Viakaunt, nocha deafst de Weichn mit 10 km/h iwafoahn. Waun ned, nocha is da Fdl zan vaständign; de Weichn deaf ned befoahn wean. De Ohdeckung vom Weichnvaschluss is am Schluss wieda zan schließn.
Da Weichnschlüssl is ausm vaspeatn Schlüsslkostn nebn da Weichn zan entnehman. Da Schlüssl fian Schlüsslkastn Nr. 5998 Zf1 is im Besitz vom jewäulign STLB-Tfzf. Nachm Aufspean kaunst de Weichn händisch in jede Stöllung bringen wosd wüst. Vuam Befoahn is de Endlog zan prüfn. Nocha muasst de Weichn wieda in de Grundstöllung zruckbringan, ihn Weichnschlüssl ohzian und im Schlüsslkostn unta Vaschluss vawoahn.
Aum 6. Mai 2015 is zua an Frontoizaumanstoß kuaz noch da Vstu Woidstoa kumman, wäu a Tfzf ned bei da Trapeztofl aufs Signoi vom Gegnzug gwoat' hod, wiara laut Foahplan und Aunweisung vom Fdl duan hätt suin. Sundan ea is oafoch in de Hoitstöö eigfoahn und nochm Foahgostwechsl wieda auf de oagleisige Streckn ausgfoahn.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
