From Wikipedia, the free encyclopedia
Kirwa, aa Kirta oda Kirmes is as Fest, wo jeds Joar zua Erinnarung an de Weih vo da Kiach gfeiat werd. De Tradtiona gibts seitm Middloita.
Friaa wor des a kristlichs Hochfest, heit spuit de Religion koa dominiarende Roin mehr.
Zur Kirwa gibts traditionej a Heilige Mess und a Voiksfest. Friaa hods am Morktplotz Kirtastandln gebm, wo Sochan vakafft worn san. De Tradition findt ma ob und zua aa heit no.
Wei si friaa de Kirwa oft no iban Monda hizogn hom, gibts in Bayern in Spruch: „A guade Kirwa geht bis Irta, und bleibst nacha picka, dann hoit bis Micka.“
De Kirtahutschn is in Obabayern a Baamstamm, dea wo an zwoa Sein aufghängt wead. Festgmocht wead de Hutschn moast mit Kettn oda dickn Sein an an Boikn von am Stodl. Auf so ana Kirtahutschn kena bis zu 15 Leidln hocka. Fia den Brauch vom Kirtahutschn griagn manchaorts d Schuikinda am Kirtamonda sogoa de letzt Stund oda de letztn Stundn frei.
Z Kirwa wern traditionej Gansl- und Antnbrodn gessn, moast mit Eadäpfeknedl und Blaukraut. Dazua gibts ois Mejspeis Kirwanudln, de wo ma aa Auszogne (Schmoiznudln, Nockade) nennt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.