Huif:Bilder
From Wikipedia, the free encyclopedia
Auf deara Hüfesaitn wiad eaklead, wia ma Büda, Grafikn und Koatn zu an Artikl dazua duat.
Büda, Fotos und Lãndkoatn soitadn noamalawais néd då bai da boarischn Wikipedia naufglådn wean, sondan gschaidawais glai bai Wikimedia Commons. Dés is de iwagraifade Büdldatnbank fu Wikimedia, wo ole Schbråchn drauf zuagraifn kinan. Wia dés genau ged, eafoad ma doat. Dawai gibt's dés Commons åwa nu néd auf Boarisch und déswéng muas ma si mid ana ãndan Schbråch doat duachhantln, åwa es kãn e a jeda fu aich Englisch oda Hochdaidsch oda wås ãndas.
Wöche Büda ma doat aufilåna deaf, hengt fum Uahebarechtsschdatus fum Büdl å. Neta Grafikn dé ma söwa gmåcht håd oda Fotos dé ma söwa gschossn håd, deaf ma doat aufi låna. Dabai muas ma åwa a nu drã denga, das a de Peason dé då zan seng is, âifaschdãndn gwén sâi muas. Ma deaf néd õafåch fu jédn a Büdl aufi låna! Wås a nu ged san Büdl, de ma im Intanet fint und dé unta ana frain Lizenz faöfentlich woan san. Då muas ma åwa gãns genau ãngém, wo ma dés hea håd, wea da Autor is und ob dés e sicha is, das dés unta ana frain Lizenz fafügboa is. Lész aich dés bit schê zeascht guad duach doat, befoa's zan weakln ãfãngts. Es gibt åwa doat a ãndane User, Adminisdratoan und Stewards, dé aufbassn das ois basst und mid dénan ma a rédn kã, wãn ma si wo ned auskent.
Dechnisch is's übrigens åwa nåch wi foa mégli, das ma a då bai da Boarischn Wikipedia Büdl aufi låna kã. Wãnst du néd wüst, das a Foto oda Grafik fu dia, a fu de Wikipedias in ãndane Schbråchn fawent wean kinan, dea kãnst as a õafåch neta då nauflådn. Ob dés mid'n Uahebarecht und da Lizenz e basst, kontroliad bai uns da Benutzer:Chaddy.
Sunst is's fian Ãfãng am gschaidan, és suachz amåi bai Wikimedia Commons nåch am Büdl, wås e schã wea ãndana naufglådn håd und dés fia aichan Artikl bassn kant. Es gibt nemli e schã dausnde faschidane Fotos, Grafikn und Lãndkoatn doat und jédn Dåg wean's meara. Då soit oiso laicht wås bassads zan findn sâi.
Wia dés dechnisch funkzioniad, das ma a Büdl in an Artikl âifügt, dés eafoaz jéz. De foigende Infoamazion is aus da hochdaidschn Wikipedia uma kopiad und déswéng néd auf Dialekt: