From Wikipedia, the free encyclopedia
As oda dea Hektar bzw. de Hektare (schweizarisch) is a Moßeihheit vo da Fläch mid'm Eihheitnzeichn ha. Se is voa oim in da Land- und Forstwiatschoft vabroat und entspricht ana Fläch vo 10.000 m², oiso beispiuisweis oam quadratischn Fejd mid da Seitnläng 100 Meta.
Physikalische Maasoaheid | |
---|---|
Nama | Hektar/Hektare |
Zoachn | |
Physikalische Gräss(n) | Flechninhoit |
Formezoachn | |
Dimension | |
System | Zum Gebrauch mit dem SI zugelassen |
In SI-Oaheidn | |
Gnennd noch | „Hekto-Ar“ |
Obgloadt vo | Ar |
As Wort Hektar is aus'm Franzesischn entlehnt und beruaht af griachisch: hekt(o) (fia ‚hundad‘) und franzesisch are (aus lateinisch: „ārea“), bedeit dohea: 100 Ar.[1]
1879 is da Hektar vom CIPM (Comité International des Poids et Mesures) in sei Empfehlunga afgnumma worn. Scho dovoa woa as Hektar Bstondtei vo da Moß- und Gwichtsoadnung vom Noaddeitschn Bund vo 1868. Om 1. Jenna 1872 is se in gonz Deitschland in Kroft tretn.
Seit'm spadn 19. Joarhundad hom im Deitschn Reich oam Hektar exakt via Morgen, dea is desweng zua Obgrenzung vo traditionejn Moßn aa Viatlhektar (vha) gnennt worn.
Oa Hektar entspricht 10.000 Quadratmeta oda aa 100 Ar oda oam Quadrathektometa. Oa Quadrat mid'm Flächninhoit 1 Hektar hod oa Seitnläng vo 100 Meta (1 Hektometa). Oa Hektar entspricht dohea oam Quadrathektometa (hm²).
Zwoar gheat's Flächnmoß Hektar ned zum Internationoin Eihheitnsystem (SI), es is jedoch zua Bnutzung mid diesm zuaglossn.[2] Da Hektar is in Deitschland und Östareich und ois Hektare in da Schweiz a gsetzliche Eihheit, jedoch eihgschränkt af de Ongob vo da Fläch vo Grund- und Fluastickn.[3][4] Noch da EWG-Richtlinie 80/181/EWG is „Hektar“ ledigli a bsondara Nama fia's Hundadfoche vom Ar, buidt aus'm Voasotz Hekto fia 100 und'm Eiheitnnama Ar.[5]
De deitsche Eihheitnvaordnung siagt Ar (Eihheitnzeichn: a) und Hektar (Eihheitnzeichn: ha) ois eignständige Eihheitn und losst fia beide de Vawendung vo SI-Voasätzn zua. Somid san in Deitschland Buidunga wia Hektoar (ha) und z. B. Zentihektar (cha) legoi, owa unuibli. Am Eihheitnzeichn ha is ned oz'seng, ob domid Hektar oda Hektoar gmoant is, wos jedoch koan Untaschied mocht, do in beidn Fäjn 10.000 m² gschriem wean.
In da Landwiatschoft werd haifig mid'm Begriff Hektareatrog g'oabat, gmoant is domid de vo da Fläch vo oam Hektar geerntte Menge vom Ernteguat (beispuisweis Droad oda Wein).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.