From Wikipedia, the free encyclopedia
Mid am Formschluss moand ma in da Technik a Vabindung vo zwoa Drima de zsammhoidn wei's Formen hom, de inanonda greifn. D'Voraussetzung is, doss se de Drima an Flächn beriahn, af dene de z'iwatrongne Kroft senkrecht stähd. Wennst a Drum on am ondan festschraubsd, ko des nimma oghom wean, wei da Schraumkopf gressa is ois des Loch. De Kroft zan Ohem wiakd vo da Obafläch vo dem Drum af'd Untaseitn van Schraumkopf. S'Vaschiam vo dem Drum is a ned megli, des liegd owa on am Kroftschluss. Wenn zwoa Drima mid Possstift vabundn wean, donn ko ma's zwoar ohem, owa nimma vaschiam, wei ja de Stift in de Lecha stecka. De Innaseitn vo de Lecha iawadrogd de Kräft af de Aussnseitn vo de Possstift und so af des ondre Drum. Streng gnumma is as Afanondaleng vo Drima aa a Formschluss. De kenna ned inanonda vasinka, wei d'Gwichtskroft af de Obaflächn van nexdn Drum drunta iawadrong wead.
Der Artikl is im Dialekt Obaboarisch gschriem worn. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.