![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/89/Festung_Hohensalzburg_von_S%25C3%25BCdwest.jpg/640px-Festung_Hohensalzburg_von_S%25C3%25BCdwest.jpg&w=640&q=50)
Festung Hohnsoizburg
From Wikipedia, the free encyclopedia
D' Festung Hohnsoizburg (Hochdeitsch: Festung Hohensalzburg) is as Woahrzeichn vo da Stod Soizburg. Sie liegt auf am Stodberg (Festungsberg), owahoib vo da Oidstod, der se noch Nordwestn in 'n Mönchsberg furtsetzt. Da Auslaifa im Ostn vom Festungsberg haasst Nonnberg. Auf 'm Nonnberg befindt se direkt unta d' östlichn Aussnolong vo da Festung - d' Nonnbergbastein - s Stift Nonnberg. D' Festung Hohnsoizburg is mid üwa 7.000 m² bebauda Flächn (eischliasslich de Bastein üwa 14.000 m²) ane vo d' gresstn Burgn in Eiropa. Sie is d' gresste Burgolog aus 'm 11. Joahrhundat in Eiropa, d' gresste voiständig dahoidane Burg in Middleiropa und mid jährlich üwa 950.000 Bsuacha de am heifigstn bsuachte Sehnswiadigkeit in Östareich aussahoib vo Wean, wobei s' aa in da Bundeshauptstod nur vom Schloss Schäbrunn, Tiargortn Schäbrunn, Stefansdom und 'm Weana Proda üwatroffm wead (Bsuachastatistikn 2006 und 2007).
![Thumb image](http://upload.wikimedia.org/wikipedia/commons/thumb/8/89/Festung_Hohensalzburg_von_S%C3%BCdwest.jpg/640px-Festung_Hohensalzburg_von_S%C3%BCdwest.jpg)
![Thumb image](http://upload.wikimedia.org/wikipedia/commons/thumb/3/3d/Salzburg_Festung1.jpg/640px-Salzburg_Festung1.jpg)
![Thumb image](http://upload.wikimedia.org/wikipedia/commons/thumb/d/d5/12-10-31-salzburg-by-RalfR-01.jpg/640px-12-10-31-salzburg-by-RalfR-01.jpg)