De boarische Wocha
From Wikipedia, the free encyclopedia
D Wochatach hom in da Antike noun orientalischn Vorbüld d Nama vo de Planetn krejgt. Grod asu hom widerum de zougordnatn Getter ghoissn. D Germanen hom nou d Nama vo eanere entsprechadn Getter fir dej agsetzt. Sprouchwissnschaftle gsogt han des jewals Leniwasetzunga. In da kristlinga Zait nou han ar a por neie Nama entstondn.
Der Artikl is im Dialekt Westlichs Noadboarisch gschriem worn. |
In Boarischn homse a por Werter as da olthouchdeitschn Zait nu lenger daholtn wej in Standarddeitschn. Des is asu ba de boarischn Kennwerter Irta und Pfinsta. S olte Wort pferintag ko'ma in Bayern haintzatoch nemmer nouwaisn.