County of London

As County of London woa vo 1889 bis 1965 a Vawoitungsgrofschoft und a zeremonieje Grofschoft in England. Se hod'n zentroin Tei vom heiting Greater London umfossd und is vom London County Council vawoitd worn. Im Noadn und Westn hod se on: Middlesex, im Noadostn on Essex, im Sidostn on Kent und im Sidn on Surrey grenzd.

County of London (1889–1965)
Basisdatn
Status	Zeremonieje Grofschoft Vawoitungsgrofschoft
Fläch	302,77 km² (1911) 303,12 km² (1961)
Bevejkarung	4.521.685 (1911) 3.200.484 (1961)
Politik
Vawoitung	London County Council
Vawoitungssitz	County Hall, Lambeth

Gschicht

Obwoih de Grofschoft 1889 midm Local Government Act 1888 gschoffn worn is, is dean Territorium scho 1855 midm Metropolis Management Act 1855 festglegd worn. As Gebiet woa ois the metropolis bekonnd und is vo ana Vuizoih vo Gmoana und Grichtsbeziakn vawoitd worn, de Obgeoadnte in an Metropolitan Board of Works (MBW) entsondd hom. Da MBW woa vaontwoatli fia Bau und Untahoitung vo Stroßn, Bruckn und ondan Infrastruktuabautn.

Buidd worn is's County of London aus Gebietn, de voahea in de Grofschoftn: Middlesex, Surrey und Kent gleng san. Diese entsprechn om heiting Inner London mid de Stodbeziake: Camden, Greenwich, Hackney, Hammersmith and Fulham, Islington, Kensington and Chelsea, Lambeth, Lewisham, Southwark, Tower Hamlets, Wandsworth und Westminster. Ned zua County of London hod de City of London ghead, do a Vaschmejzung ned z'stond kemma is.

De Stodvawoitung hod se London County Council (LCC) gnennd und hod iahn skandoiumwittadn Voagänga MBW obgläsd. Im Gengsoz zu de Vatreta vom MBW san de LCC-Vatreta vom Voik gweijd worn. Da London Government Act hod im Joar 1900 as Gebiet vo da County of London in 28 Stodbeziake (metropolitan boroughs) untateid. Diese hom de zwoate Stuafn vo da Vawoitung untateid und de bishea bstehndn Gmoana und Grichtsbeziake easezd.

Im Joar 1965 is's uma fimf Moi gressare Vawoitungsgebiet Greater London buidd worn, bstehnd aus'm County of London sejbsd, 'm gsomdn Rest vo Middlesex sowia Tein vo Grofschoftn: Essex, Kent, Surrey und Hertfordshire. Da Greater London Council (GLC) hod'n LCC obgläsd.

Stodbeziake (metropolitan boroughs)

City of London (koa Stodbeziak) Westminster Holborn Finsbury Shoreditch Bethnal Green Stepney Bermondsey Southwark Camberwell Deptford Lewisham Woolwich Greenwich Poplar		Hackney Stoke Newington Islington St Pancras Hampstead St Marylebone Paddington Kensington Hammersmith Fulham Wandsworth Lambeth Battersea Chelsea

Literatua

• Andrew Saint (Hrsg.): Politics & People of London. The London County Council 1889–1965. Hambledon Continuum, London 2003. ISBN 1-85285-029-9.
• I. Max Barlow: Metropolitan Government Routledge geography and Environment Series. Routledge, London 1991. ISBN 0-415-02099-9.

Im Netz

• Karte des County of London@1@2Vorlage:Toter Link/www.visionofbritain.org.uk (Seite nicht mehr abrufbar; Suche in Webarchiven)