Ишбаев Ғиниәтулла Ғарифулла улы (20 июль 1961 йыл) — ғалим-тау инженеры, юғары мәктәп уҡытыусыһы. Техник фәндәр докторы (1997), профессор (2008). Рәсәй Федерацияһының (2014) һәм Башҡортостан Республикаһының (2003) атҡаҙанған нефтсеһе. Рәсәй Федерацияһы Хөкүмәтенең фән һәм техника өлкәһендәге премияһы лауреаты (2000). Салауат Юлаев ордены кавалеры (2016).
| Ғиниәтулла Ғарифулла улы Ишбаев | |
| Тыуған көнө | |
|---|---|
| Тыуған урыны | |
| Ил |
|
| Ғилми даирәһе |
ғалим-тау белгесе |
| Альма-матер | |
| Ғилми дәрәжәһе |
техник фәндәр докторы (1997) |
| Ғилми исеме |
профессор (2008) |
| Ниндәй өлкәлә танылған |
техник-инженер |
| Награда һәм премиялары |
Рәсәй Хөкүмәтенең фән һәм техника өлкәһендәге премияһы лауреаты (2000); Башҡортостан Республикаһының атҡаҙанған нефтсеһе (2003) |
Ғиниәтулла Ғарифулла улы Ишбаев 1961 йылдың 20 июлендә БАССР-ҙың Учалы районы Уральск ҡасабаһында тыуған.
1983 йылда Өфө нефть институтын тамамлағандан алып шунда уҡ эшләй: 1989 йылдан сектор мөдире, 1991—99 йылдарҙа «Азимут» ғилми-етештереү предприятиеһының бүлек начальнигы; бер үк ваҡытта 2000 йылдан — "«"Буринтех" ғилми-етештереү предприятиеһы» яуаплылығы сикләнгән йәмғиәт (Өфө) директоры, 2008 йылдан — генераль директоры. Фәнни хеҙмәттәре быраулау проблемаларына арналған. Ул етәкс. быраулау, нефть промыслалары инструменттары һәм уларҙы эшләү технологиялары уйлап табыла. Уның тарафынан ер бырауҙары, скважиналарҙы ремонтлау һәм яңынан сафҡа индереү өсөн бер юллы фрезалар, бырау баштары һәм махсус инструменттар комплекты эшләнә һәм уларҙы сериялап етештереү ойошторола. Асыштары Башҡортостан Республикаһының, Рәсәй Федерацияһының башҡа төбәктәренең, яҡын һәм алыҫ сит илдәрҙең нефть һәм газ сығарыу предприятиеларында индерелгән. 100—ҙән ашыу фәнни хеҙмәт һәм 20 уйлап табыу авторы.
- Рәсәй Хөкүмәтенең фән һәм техника өлкәһендәге премияһы лауреаты (2000).
- Башҡортостан Республикаһының атҡаҙанған нефтсеһе (2003).
- Техник фәндәр докторы (1997);
- профессор (2008).
- Скважинные фрезерные инструменты для ремонта скважин. Уфа, 1997;
- Причины нарушения и повышения долговечности крепи скважин. Уфа, 2002 (авторҙ.);
- Вспомогательный инструмент для бурения и ремонта скважин. Уфа, 2007 (авторҙ.).
Ишбаев Ғиниәтулла Ғарифулла улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
