Хәбиров Радий Фәрит улы

Хəбиров Радий Фəрит улы (20 март 1964 йыл) — Рәсәйҙең дәүләт эшмәкәре, сәйәсмән. 2019 йылдың 19 сентябренән — Башҡортостан Республикаһы Башлығы. Хоҡуҡ белгесе, юғары мәктәп уҡытыусыһы. Юридик фәндәр кандидаты (1998). Башҡортостан Республикаһының атҡаҙанған юрисы (2008). Александр Невский ордены кавалеры (2021).

Хәбиров Радий Фәрит улы
рус. Радий Фаритович Хабиров
Зат	ир-ат
Гражданлыҡ	Рәсәй
Тыуған көнө	20 март 1964({{padleft:1964|4|0}}-{{padleft:3|2|0}}-{{padleft:20|2|0}}) (60 йәш)
Тыуған урыны	Һайран, Һайран ауыл советы, Ишембай районы
Атаһы	Хәбиров Фәрит Барый улы
Әсәһе	Хәбирова Разия Исхаҡ ҡыҙы
Туған тел	башҡортса‎
Һөнәр төрө	дәүләт эшмәкәре, хоҡуҡ белгесе, сәйәсмән, юғары мәктәп уҡытыусыһы, адвокат
Эш урыны	Башҡорт дәүләт университеты Республика йорто
Биләгән вазифаһы	Башҡортостан Республикаһы Башлығы
Уҡыу йорто	Октябрҙең 40 йыллығы исемендәге Башҡорт дәүләт университеты Билкент университеты
Ғилми дәрәжә	юридик фәндәр кандидаты[d] (1998)
Сәйәси фирҡә ағзаһы	Берҙәм Рәсәй
Маҡтаулы исемдәре һәм башҡа бүләктәре	Башҡортостан Республикаһының атҡаҙанған юрисы[d] Награды Республики Крым[d] Башҡортостан Республикаһының маҡтаулы исемдәре
Рәсми сайт	glavarb.ru/eng
Хәбиров Радий Фәрит улы Викимилектә

Википедияла Хәбиров фамилиялы башҡа кешеләр тураһында мәҡәләләр бар.

Биографияһы

Радий Фəрит улы Хəбиров 1964 йылдың 20 мартында Башҡорт АССР-ының Ишембай районы Һайран ауылында тыуған. Был ваҡытта атаһы Хәбиров Фәрит Барый улы мәктәп директоры булып эшләгән, тап ул ағас мәктәп урынына кирбестән яңы бина һалдыртҡан^[1]. Әсәһе Хәбирова Разия Исхаҡ ҡыҙы — шулай уҡ педагог.

Улдарына 6 йәш тулғанда ғаилә Ишембай ҡалаһына күсенгән^[1].

1981—1982 — Витязь компанияһының Ишембай транспорт машиналары эшләү заводында фрезеровщик өйрәнсеге.

Классик һәм грек-рим көрәше буйынса спорт мастерлығына кандидат (ДЮСШ № 2, Ишембай)^[2])

1982—1984 — СССР Ҡораллы Көстәре сафында хеҙмәт итә.

1984—1989 — Башҡорт дәүләт университетының юридик факультеты студенты.

1989—1992 — Башҡорт дәүләт университеты юридик факультетының дәүләт хоҡуҡиәте һәм совет төҙөлөшө кафедраһы ассистенты, БДУ-ның студенттар профсоюз комитеты рәйесе.

1992—1994 — Билкент университеты магистранты, Анкара, Төркиә.

1994—1998 — Башҡорт дәүләт университеты юридик факультетының өлкән уҡытыусыһы.

1998—2002 — Башҡорт дәүләт университеты юридик факультетының деканы, доцент.

2002—2003 — Башҡорт дәүләт университеты Хоҡуҡ институтының директор вазифаһын башҡарыусы, артабан — директоры.

Сентябрь 2003 — июль 2008 — Башҡортостан Республикаһы Президенты Хакимиәте етәксеһе.

27 август 2008 — декабрь 2008 — Рәсәй Федерацияһы Президентының Эске сәйәсәт буйынса идаралығының Рәсәй Федерацияһы Федераль Йыйылышы һәм сәйәси партиялар менән бәйләнеш буйынса департаменты директоры.

2009 йылдан — Рәсәй Федерацияһы Президенты Эске сәйәсәт буйынса идаралығының начальник урынбаҫары.

19 сентябрь 2016 — Рәсәй Федерацияһы Президенты Эске сәйәсәт буйынса идаралығының начальник урынбаҫары вазифаһынан китеү тураһында ғариза яҙа^[3].

25 ғинуар 2017 — Мәскәү өлкәһе Красногорск ҡала округы башлығы вәкәләттәрен ваҡытлыса башҡарыусы

28 март 2017 — 11 октябрь 2018 йыл — Мәскәү өлкәһе Красногорск ҡала округы башлығы

2018 йылдың 11 октябрь — 8 сентябрь 2019 йыл — Башҡортостан Республикаһы Башлығы вазифаһын ваҡытлыса башҡарыусы^[4].

2019 йылдың 8 сентябрендә Башҡортостан Республикаһы Башлығы итеп һайланды^[5].

2019 йылдың 19 сентябренән — Башҡортостан Республикаһы Башлығы^[6].

2020 йылдың 27 ғинуарында Радий Хәбиров Рәсәй Федерацияһы Дәүләт советының президиум ағзаһы итеп раҫланды^[7][8].

2021 йылдың 10 сентябрендә Рәсәй Президенты Александр Невский ордены менән бүләкләне^[9].

Өҫтәмә мәғлүмәт

• Юридик фәндәр кандидаты^[10], 30-ҙан ашыу ғилми хеҙмәт авторы.
• Инглиз телендә иркен һөйләшә^[11], диссертацияһын шул телдә яҡлаған^[12].
• Башҡортостан Республикаһының атҡаҙанған юрисы (2008).
• Рәсәй Федерацияһының 2 класлы ғәмәлдәге дәүләт кәңәшсеһе (РФ Президентының 520-се Указы, 2009 йыл, 7 май)^[13].

Матбуғатта әңгәмәләре

• Юрий Васильев. Как сделать Башкирии «якшырак». Взгляд. Деловая газета. 2 сентября 2019 года^[14].
• Елена Мухаметшина. Врио главы Башкирии: «Стерильных выборов не бывает». Радий Хабиров рассказывает, почему ушел из администрации президента, и рассуждает, отчего разное время требует своих губернаторов. Электронное периодическое издание «Ведомости», 22 января 2019 года^[15].
• Галина Ишмухаметова. Радий Хабиров: «Я не публичный человек, я управленец…». Журнал «Уфа», 2003 год^[12].

Маҡтаулы исемдәре һәм башҡа бүләктәре

• Башҡортостан Республикаһының атҡаҙанған юрисы (2008)
• Рәсәй Федерацияһы Президентының Почёт грамотаһы (11 апрель 2014 йыл)^[16]
• Ҡырым Республикаһының «Бурысҡа тоғролоҡ» ордены (13 март 2015 йыл)^[17]
• Луганск Халыҡ Республикаһының «Еңеүҙең 75 йыллығы» юбилей миҙалы (22 декабрь 2020 йыл)^[18]
• Александр Невский ордены (2021).

Ғаиләһе

• Атаһы — Хәбиров Фәрит Барый улы
• Әсәһе — Хәбирова Разия Исхаҡ ҡыҙы
• Лариса Лукьянова менән беренсе никахынан (1987—2013) ҡыҙҙары Светлана (Градволь) һәм Рита.
• Икенсе ҡатыны — Каринэ Хәбирова (9.12.1982), улдары Фәрит ^[19] һәм Тимер^[20].