Бәхти Ғайсин

Ғайсин Бәхти (Бәхтиғәни) Миңлейәр улы (24 ғинуар 1930 йыл — 5 октябрь 1991 йыл) — музыкант-аккордеонсы. РСФСР‑ҙың атҡаҙанған (1986), Башҡорт АССР-ының халыҡ (1962) артисы.

Бәхти Ғайсин
Төп мәғлүмәт
Тыуған	24 ғинуар 1930({{padleft:1930|4|0}}-{{padleft:1|2|0}}-{{padleft:24|2|0}})
Тыуған урыны	СССР, РСФСР, Башҡорт АССР-ы Стәрлетамаҡ кантоны Кешәнне ауылы
Үлгән	5 октябрь 1991({{padleft:1991|4|0}}-{{padleft:10|2|0}}-{{padleft:5|2|0}}) (61 йәш)
Үлгән урыны	Өфө ҡалаһы
Ил	СССР
Һөнәрҙәре	аккордеонсы
Хеҙмәттәшлек	Башҡорт дәүләт филармонияһы
Наградалар	Башҡорт АССР-ының халыҡ артисы
Шаблон: просмотр • обсуждение • править

Википедияла Ғайсин фамилиялы башҡа кешеләр тураһында мәҡәләләр бар.

Биографияһы

Бәхти Ғайсин 1930 йылдың 24 ғинуарында Башҡорт АССР-ының Стәрлетамаҡ кантоны 1‑се Яңы Атйетәр^[1] ауылында тыуған.

1953 йылда Өфө музыка училищеһының халыҡ инструменттары бүлеген тамамлай.

1953—1961 йылдарҙа Башҡорт дәүләт академия драма театрында концертмейстер булып эшләй. Театрҙа эшләгән ваҡытта ул спектаклдәргә көйҙәр, йырҙар яҙа.

1961 йылда Башҡорт дәүләт филармонияһына күскәс, ижади эше әүҙемләнеп китә. Был йылдарҙа ул халыҡ яратҡан, йөрәккә үтеп инерҙәй лирик йырҙар менән бер рәттән шаян йырҙар ҙа ижад итә. Тормош иптәше Фәриҙә Ҡудашева менән 30 йыл ғүмер кисерәләр.

1991 йылдың 5 октябрендә Өфө ҡалаһында вафат була.

Бәхти Ғайсин йырҙары:

• «Ике аҡҡош» (Хәсән Баян шиғыры)
• «Ниңә гелән иркәм» (Шәриф Бикҡол шиғыры)
• «Бөгөлә ҡайын» (Шәриф Бикҡол шиғыры)
• «Яҙғы урман» (Назар Нәжми шиғыры)
• «Ҡайтыһың шикелле» (Хәсән Туфан шиғыры)
• «Һөйләгәндәр һөйләһендәр» (Әнғәм Атнабаев шиғыры)
• «Ҡара мыйыҡ» (Гөлшат Зәйнәшева шиғыры)

Иҫкәрмәләр

1. [Хәҙер Башҡортостан Республикаһының Ауырғазы районы Кешәнне ауылы]

Һылтанмалар

• Бәхти Ғайсин // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Башҡорт музыкаһы порталында Бәхти Ғайсин йырҙары(недоступная ссылка)
• Башҡорт дәүләт университеты сайтында Бәхти Ғайсин(недоступная ссылка)