Сусҡалар

Сусҡалар (лат. Suidae) — 8 төрҙө үҙ эсенә алған ҡуш тояҡлы көйшәмәүселәр (Artiodactyla) ғаиләһе, шул иҫәптән сусҡаларҙың ата-бабаһы ҡабан ошо ғаиләгә ҡарай.

? Сусҡалар
Ҡабан (Sus scrofa) вәкиле
Фәнни классификация
Батшалыҡ: Хайуандар Тип: Хордалылар Суб-тип: Умыртҡалылар Класс: Имеҙеүселәр Инфракласс: Плаценталылар Отряд: Ҡуш тояҡлылар Подотряд: Көйшәмәүселәр Ғаилә: Сусҡалар
Латинса исеме
Suidae Gray, 1821
Төр
Бабирус (Babyrousa) Урман сусҡалары (Hylochoerus) Кәрлә сусҡа (Phacochoerus) Ҡабан (Sus) Суҡ ҡолаҡлы сусҡа (Potamochoerus) † Микростоникс (Microstonyx) † Metridiochoerus

Ҡылыҡһырлама

Сусҡа 1030—175 см оҙонлоҡта була. Кәүҙәһәнең алғы өлөшө өҫҡә күтәрелеберәк тора һәм 100 см бейеклеккә етә. Уртаса ауырлығы 60—150 кг була, 300 кг еткәнделе лә осорай. Ҡалын тиреһе ҡуйы шырт менән ҡапланған. Ҡаҙыҡ тештәре ауыҙынан ситкә сығып тора. Морононда кимерсәкле морон осо бар. Ашҡаҙаны ябай төҙөөшлө. Байтаҡ ҡына тире аҫты майы бар. Мөгөҙҙәре юҡ. Ата сусҡаның аҫҡы яңағындағы ҡаҙыҡ тешетәре бөгөлгән һәм 10 см оҙонлоҡҡа етә.

Үрсеү

Инә сусҡанан яҙын 4—5, ҡайһы берҙә 10—12 сусҡа балаһы тыуа. Инә сусҡа улырҙы 2—3 ай имеҙеп үҫтерә. Инә заттар — 8—10 айҙа, ата заттар 2 йәштә енси яҡтан өлгөрә.

Йәшәү ареалы

Тәбиғи ареалы Европала һәм Азияла киң таралған. Йортлаштырыу нәтижәһендә Антарктиданан башҡа бөтә континеттарға таралған һәм бөтә ерҙә лә ҡарағый популяциялары бар.

Әҙәбиәт

• Биологический энциклопедический словарь / Гиляров М. С., Баев А. А., Винберг Г. Г., Заварзин Г. А. и др. — М.: Советская энциклопедия, 1986. С. 562.

Һылтанмалар

• Породы свиней 2017 йыл 18 май архивланған.
• Европа была колонизирована ближневосточными свиньями 2009 йыл 4 июль архивланған.
• Brent Huffman. Family Suidae — Pigs (ингл.). ultimateungulate.com. Дата обращения: 21 октябрь 2013. 2019 йыл 7 ғинуар архивланған.
• Suidae hogs and pigs (ингл.). Regents of the University of Michigan. Дата обращения: 21 октябрь 2013.