Синан-паша мәсете (Призрен)
From Wikipedia, the free encyclopedia
Синан-паша мәсете (алб. Xhamia e Sinan Pashës, серб. Синан Пашина Џамија , тур. Sinan Paşa Camii) — Сербияның Косово һәм Метохия автономиялы крайының Призрен ҡалаһында Ғосман империяһы ваҡытындағы мәсет.
| Синан-паша мәсете | |
| Нигеҙләү датаһы | 1615 |
|---|---|
 | |
| Дәүләт |
 Косово[1] |
| Административ-территориаль берәмек | Призрен һәм Призрен[d][1] |
| Архитектура стиле | Ғосман архитектураһы |
| Мираҫ статусы | памятник культуры исключительной важности[d] һәм Cultural heritage monument of Kosovo[d][1] |
 | |
 Синан-паша мәсете Викимилектә | |
Мәсетте 1615 йылда Софи Синан-паша төҙөгән. 1990 йылда мәсет Сербияның әһәмиәткә эйә булған мәҙәниәт ҡомартҡыһы исемлегенә индерелгән.[2]
Софи Синан-паша мәсетте 1600 йылда йәки 1608 йылда төҙөй башлай. Софи Синан-пашаны, Боснияла элекке бәктәр бәге һәм ҡаймаҡамы, яҡында Качаник ҡалаһында урынлашҡан Синан-паша мәсетен төҙөгән бөйөк вәзир Синан-паша менән бутарға ярамай.
Мәсет Изге Архангелдар монастыры ташынан төҙөлөүе тураһында версия киң таралған. Ысынлап та, мәсеттә монастырҙың бер өлөшөн күрергә мөмкин. XVI быуатта Ғосман империяһы килгәндән һуң ташланған монастырь, XVII быуатта емерелә. Албан тарихсыһы Хәсән Калеши 1972 йылда Софи Синан-паша монастырҙы емерергә бойороҡ бирмәүе тураһында фаразды әйтә, сөнки бының өсөн солтандың бойороғо кәрәк була, ысынында иһә ул әҙерләп ҡуйылған таштарҙы ғына ҡулланырға бойора.
Мәсеттең оҙонлоғо 14 м, киңлеге 14, квадрат формала булған. Бер ҙур көмбәҙе һәм бер бәләкәй көмбәҙе бар, ул буялған һәм сталактит формаһындағы михрабты ҡаплап тора. Мәсеттең стеналарының ҡалынлығы 1,65 метр, ә конус формаһындағы манараһының бейеклеге — 43,5 м.[3]
Мәсет уртаһында стеналары, көмбәҙе башлыса XIX быуатта Ҡөрьәндән шиғыр һәм сәскә биҙәктәре менән биҙәлгән. Мөнбәргә сәскә биҙәктәре һалынған. Мәсеттең ҙур һәм кесе көмбәҙе ҡурғаш менән ҡапланған. Таш иҙәне һәм ағас биҙәктәре үҙенсәлекле[4]
Мәсет өсөн ямғыр проблема була, ул ваҡыт үтеү менән мәсеттең ҡыйығының тишеге аша эләгә. Был стеналарҙағы ҡайһы бер картиналарҙың юғалыуына, шулай уҡ штукатурканың боҙолоуына килтерә. Таш фасады елгә ашала.[3]
2000 йыл башында ЮНЕСКО мәсетте яңыртыу өсөн яҡынса 500 мең евро суммаһында сығым баһалай.[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
