Кесе Хәлил

Кесе Хәлил (рус. Малохалилово) — Рәсәй Федерацияһы Ырымбур өлкәһе Гай ҡала округындағы ауыл.

Ауыл
Кесе Хәлил
Ил	РәсәйРәсәй
Федерация субъекты	Ырымбур өлкәһе
Ҡала округы	Гай
Координаталар	51°25′ с. ш. 58°12′ в. д.HGЯO
Элекке исеме	Ахун
Халҡы	62[1] кеше (2010)
Конфессиональ составы	мосолмандар
Һанлы танытмалар
Автомобиль коды	56
ОКАТО коды	53 214 840 007
ОКТМО коды	53 713 000 256
Картаны күрһәтергә/йәшерергә Кесе Хәлил

Был терминдың башҡа мәғәнәләре лә бар, ҡарағыҙ: Хәлил.

Географик урынлашыуы

Гөбөрлө йылғаһы (Яйыҡ ҡушылдығы) буйында урынлашҡан.

Тарихы

Кесе Хәлил (Бәләкәй Хәлил, Ахун) ауылы Ырымбур губернаһы Үҫәргән улусы составында була. Ауылға XIX быуат уртаһында Иҫке Хәлил ауылы кешеләре нигеҙ һала. Ауылдың икенсе атамаһы — Ахун, уның барлыҡҡа килеүе бында йәшәгән Орск өйәҙе 3-сө Үҫәргән улусы ахуны Мөхәмәтғәлей Илбаҡтинға бәйле^[2].

1917 йылдан Башҡортостан автономияһының (1919 йылдан Башҡортостан АССР-ының) Үҫәргән кантоны составында була. 1922 йылдың 5 октябренән Йылайыр кантоны составына инә.

1927 йылдың 30 майында Урта Волга крайының (1928 йылдың 14 майынан — край составындағы Ырымбур округының) Яңы Покровка районы составына бирелә. 1931 йылдың мартынан — Урта Волга крайының Орск районы составына индерелә. 1934 йылда яңы ойошторолған Ырымбур өлкәһенең составына күсә. 1934—1963 йылдарҙа Ырымбур өлкәһе^[3] Хәлил районы (1960 йылда исеме Гай районы тип үҙгәртелә) составында була. 1963—1965 йылдарҙа Ырымбур өлкәһенең Ҡыуандыҡ районы составында була^[2][4]. 1965 йылда йәнә Гай районы составына ҡайтарыла.

Халҡы

Ауыл башҡорттарының иҫәбе^[2]

1866	1892	1901	1917	1920
190	160	161	253	294

Халыҡ иҫәбе
2010[1]
62

2002 йылғы бөтә Рәсәй халыҡ иҫәбен алыу мәғлүмәттәре буйынса ауылда башҡорттар 77 % тәшкил итә^[5].

Иҫкәрмәләр

1. Всероссийская перепись населения 2010 года. Численность и размещение населения Оренбургской области  (билдәһеҙ). Дата обращения: 5 июнь 2014. Архивировано 5 июнь 2014 года.
2. Абсалямова Ю. А. Оренбургские башкиры: историко-этнографическое исследование. — Уфа, 2016. — С. 28, 62, 151. — 184 с. — ISBN 978-5-9613-0424-4.
3. 1938—1957 йылдарҙа — Чкалов өлкәһе тип атала.
4. Кувандыкский район в административно-территориальном устройстве государства  (билдәһеҙ) (22 февраль 2015). Дата обращения: 25 сентябрь 2015. 2020 йыл 25 сентябрь архивланған.
5. Абсалямова Ю. А., Юсупов Р. М. Оренбургские башкиры // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.

Һылтанмалар

• Малохалилово // Населённые пункты Башкортостана. Энциклопедия / Авт.-сост.: Г. З. Кутушев [и др.]. — Уфа: Акирус, 2022. — 863 с. — ISBN 9785604437995.