Белембай (Свердловск өлкәһе)
From Wikipedia, the free encyclopedia
From Wikipedia, the free encyclopedia
Белембай (рус. Билимбай)— Свердловск өлкәһе Первоуральск ҡала округына ингән ҡасаба (2004 йылға тиклем ҡала тибындағы ҡасаба) Транссибирь магистраленең тимер юл станцияһы (Пермь - Екатеринбург участкаһы).
Ҡасаба | |
Билимбай Белембай | |
Ил | |
---|---|
Федерация субъекты | |
Ҡала округы |
Первоуральск |
Координаталар | |
Башлыҡ |
Третьяков Константин Валерьевич |
Нигеҙләнгән | |
Халҡы | |
Телефон коды | 3439 |
Почта индексы |
623150 |
Һанлы танытмалар | |
Автомобиль коды |
- |
Код ОКАТО | |
Код ОКТМО | |
Рәсми сайт | |
Свердловск өлкәһенең Первоуральск ҡалаһы ҡала округы составында булған Белембай ҡасабаһы Билимбаиха йылғаһының тамағында, Чусыу йылғаһы буйында, Урал һыртының көнбайыш битләүендә, Екатеринбургтан төньяҡ-көнбайышҡа 60 саҡрым, Первоуральск ҡалаһынан 9 саҡрым (автомобиль юлы буйлап 12 км) алыҫлыҡта урынлашҡан . Ҡасаба эсендә Билимбаиха йылғаһы Белембай быуаһын барлыҡҡа килтерә[2].
Билимбаиха йылғаһы ҡасабаны ике өлөшкә бүлә. Көньяҡ яҡтан ҡасаба Чусыу, көнсығыш һәм көнбайыш яғынан—ылыҫлы урман, төньяҡ яҡтан Белембай быуаһы (уның оҙонлоғо 5 саҡрым, киңлеге урыны менән саҡрым тирәһе) менән уратып алынған. Ҡасабаның климат шарттарын, һыуыҡтар һәм йәй аҙағында булған тумандар булғанға, халыҡтың һаулығы өсөн уңайлы тип танырға ярамай. Тупраҡ көнбайыш өлөштә балсыҡ һәм урыны менән һаҙлыҡлы, ә көнсығыш өлөшөндә - ташлы[3].
"Белембай" атамаһы башҡорт йәки татар антропонимынан (шәхси ир-егеттәр исеменән) килә тиҙәр. Тәүҙә Билимбаиха йылғаһы, һуңынан ҡасаба исеме барлыҡҡа килгән[4].
1729 йылда приказчик Григорий Бушуев Билимбаиха йылғаһы буйында, тимер мәғдәндәре таба һәм эргәһендә завод төҙөлөшө өсөн урын һайлай.
Белембай сиктәрендә етерлек күләмдә төҙөлөш материалдары, шулай уҡ етештереү өсөн кәрәкле башҡа күп нәмәләр була. Территорияның өстән ике өлөшөн тиерлек бик ҙур урмандар массивтары биләгән- 71 мең десәтинә, 57 мең десәтенә ағас күмер етештереү өсөн төп материал булған.
Белембай заводы плотина системаһы буйынса, йылға ҡеүәтен файҙаланыусы металлургия заводы кеүек төҙөлә. Тарихсы Николай Корепановтың мәғлүмәттәре буйынса, генерал В.И. Генин домнаның һыҙмаһын үҙе әҙерләгән, Белембайҙа тәүге мейескә нигеҙ һалыу өсөн домен өйрәнсеген Борис Масленниковты оҙата. Быуаның майҙаны һәм эргә-тирәләге өлөшө биләмәнең структур-ойошторолоусы һәм архитектур үҙәкте тәшкил иткән.
Белембайҙың нигеҙләү көнө булып 1734 йылдың 17 июне иҫәпләнә. Тап ошо көндө 1733 йылдың яҙында төҙөлә башлаған Белембай заводының тәүге суйыны донъя күрә.
Строгановтар мәктәп асалар. Белембай заводындағы мәктәп Уралда беренсе шәхси мәктәптәрҙен береһе булған. XIX быуаттың икенсе яртыһында Белембайҙа ике өс йыллыҡ земство мәктәптәре һәм граф училищеһы булдырыла. Ул белгестәр әҙерләгән, мәктәп-уҡыу йорто, бай китапханаһы булған. Строгановтар уҡыусыларҙың уҡыу барышын һәм өлгәшеүен иғтибар менән күҙәткәндәр.
Бөйөк Ватан һуғышы йылдарында Белембайҙа "БИ-1" беренсе совет реактив самолёты төҙөлә. 1941 йылдың 7 ноябрендә Белембай ҡасабаһына Химки ҡалаһынан 293-сө завод эвакуациялана.
2002 йылдың халыҡ иҫәбе мәғлүмәттәре буйынса милли состав ошондай: рустар, татарҙар [7]. 2010 йылдың Бөтә Рәсәй халыҡ иҫәбе мәғлүмәттәре буйынса ҡасабала: ирҙәр — 2777, ҡатын-ҡыҙҙар — 3267[8].
Белембай ҡасабаһында клуб (мәҙәниәт йорто), китапхана, полиция пункты, янғын бүлеге, шулай уҡ почта һәм "Сбербанк" бүлексәләре эшләй. Ҡасабала 3 уҡыу йорттары эшләй: 22-се мәктәп, 31-се мәктәп-балалар баҡсаһы һәм 75-се балалар баҡсаһы. Ҡасаба халҡына медицина ярҙамын 8-се Белембай дауаханаһы хеҙмәткәрҙәре күрһәтә. Дарыуҙар менән халыҡты 72-се дарыухана тәьмин итә. Дауахана эргәһендә ашығыс ярҙам хеҙмәте эшләй. Шулай уҡ ҡасабала ветеринария участкаһы ла эшләп килә.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.