Şauzel-Saund boğazı — Folklend adalarında, Lafoniya ilə Şərqi Folklend adası arasında yerləşir. Onun girəcəyində Layvli adası mövcuddur. Burada Bertha’s Beach Important Bird Area adlı qoruq vardır ki, oda Ramsar Konvensiyasına görə ümumdünya əhəmiyyətli su-bataqlıq ərazisi elan edilmişdir. Boğaz Lui Antuan Bugenvil tərəfindən Fransa Xarici İşlər Naziri Etenn Fransua de Şauzelin şərəfinə adlandırılmışdır. Yerli Folklend dialektində boğazın adı "Çisel" kimi səslənir.