Xəlil Sultan

Sultan Xəlil ilə səhv salmayın.

Xəlil Sultan bin Miranşah (14 sentyabr 1384, Herat – 4 noyabr 1411, Rey) — Əmir Teymurun böyük oğlu Miranşahın oğludur və Teymurilər dövlətinin ikinci hökmdarıdır. 1405–1409 arası Teymurilər Sultanı olmuşdur. Əmir Teymurun ölümündən sonra xələf olaraq ordunun dəstəyi ilə Səmərqənddə taxta çıxdı. Lakin eyni zamanda Teymurun oğlu Heratda taxta çıxmışdı. 1409-cu ildə Şahrux Mirzə Səmərqəndə yürüş etdi və Xəlil Sultanın arvadını əsir götürdü. Bundan sonra Xəlil Sultan təslim oldu və taxtdan endirildi. Taxtdan endirilən Xəlil Sultan Şahrux Mirzə tərəfindən Rey qubernatoru təyin olundu . Həyatını Rey qubernatoru olaraq 1411-ci ildə itirdi və ölümündən sonra arvadı da intihar etdi.^[1]

Xəlil Sultan
Teymuri imperiyasının 2-ci hökmdarı
1405 – 1409
Əvvəlki	Əmir Teymur
Sonrakı	Şahrux Mirzə
Şəxsi məlumatlar
Doğum tarixi	14 sentyabr 1384
Doğum yeri	Herat, Teymurilər dövləti
Vəfat tarixi	4 noyabr 1411 (27 yaşında)
Vəfat yeri	Rey, İran
Fəaliyyəti	monarx
Atası	Sultan Miranşah mirzə
Ailəsi	Teymurilər
Vikianbarda əlaqəli mediafayllar

Ailəsi

Xanımları

• Cahan Sultan ağa — Əmir Teymurun bacısı Sevinc Qutluq ağanın nəvəsidir. 1397-ci ildə evlənmişdir.
• Şadmülk ağa (ö. 1411) — 1404-cü ildə gizlicə evlənmişdir. Babası Əmir Teymur onun öldürülməsini əmr etsə də, artıq hamilə olması və Saraymülk ağanın araya girməsiylə xilas oldu.
• Adı bilinməyən bir xanım

Oğulları

• Əli mirzə — anasının adı bilinmir.
• Məhəmməd Bahadur mirzə — Cahan Sultan ağadan doğulub.
• Bərkul mirzə — Cahan Sultan ağadan doğulub.
• Məhəmməd Bayqara mirzə — Şadmülk ağadan doğulub.

Qızları

• Çiçək ağa — Cahan Sultan ağadan doğulub.
• Şirinbəy ağa — Cahan Sultan ağadan doğulub.
• Sarayməlik ağa — Şadmülk ağadan doğulub.
• Sultan Bədiəlmülk ağa — Şadmülk ağadan doğulub. Məhəmməd Uluqbəylə evlənmişdir.