Trinidad

Trinidad (isp. Trinidad — Karib dənizində, Cənubi Amerikanın şimal-şərq sahillərində yerləşir. Trinidad və Tobaqonun ərazisin əsas hissəsini təşkil edir. Bu adada ölkə əhalisinin 96 % yerləşir.

Trinidad
isp. Trinidad,
Ümumi məlumatlar
Sahəsi	4821 km²
Uzunluğu	140 km
Eni	97 km
Hündür nöqtəsi	940 m
Əhalisi	1.208.282 nəfər (2000-ci il)
Yerləşməsi
10°25′00″ şm. e. 61°21′00″ q. u.HGYO
Ölkə	Trinidad və Tobaqo
Trinidad
Vikianbarda əlaqəli mediafayllar

Coğrafiya

Trinidad adasının xəritəsi

Venesuela sahillərindən 11 km şimal-şərqində yerləşir. Ümumi sahəsi 4 821 km², uzunluğu 80 km, eni isə 59 km təşkil edir.

Ada materik məşəllidir. Ada ilə materik arasında Bokas-del-Draqon, Pariya körfəzi və Boka-de-la-Serpe boğazı ilə ayrılır. Əsasən düzənlik ərazilərdən ibarət olsa da şimalından hündürlüyü 940 (Apino d.) metrə çatan silsilə keçir. Cənub hissəsində Palçıq vulkanları vardır. Cnub-şərq və cənub-şərqində neft və təbii qaz çıxarılır.

İqlimi

İqlimi subekvatorialdır. İsti və rütubətli iqlimə malikdir. İl iki mövsümə bölünür; Quru mövsüm (yanvardan maya qədər) və yağışlı mövsüm. Orta illik temperatur 25-27 °S, yağıntının miqdarı 1200 mm, qərbdə isə 3800 mm təşkil edir.

Flora və fauna

İlboyu yaşıl meşələrlə örtülüdür. Şimal-qərbində Savanna və seyrək meşələrə rast gəlinir. Kakos palması əkilir. Burada 40 növ Kolibri vardır.

Tarixi

Trinidad adası 1498-ci ildə Xristofor Kolumb tərəfindən kəşf edilir. İspanlar o zaman burada yaşayan Aravaları digər ərazilərə köçürürdü. Sonradan faydalı qazıntılarının yoxluğu sayəsində adaya maraq azalmışdır. Adada ilk avropalı məskənlər yalnız 1592-ci ildə salınır. 1797-ci ildən ada Britaniyanın himayəsinə keçir. 1830-ci ildən adada quldarlıq ləğv edilir. Bundan sonra adaya Hindistandan işçilər gəlir. İspaniya, Fransa, Portuqaliya və Çinin yoxsul insanları adaya axışırdı. Bu xalqların qarışması nəticəsinə «Trinidadlılar» etnomini meydana gəlmişdir.

Əhalisi

Ən iri şəhərləri — Çaquanas, Port-of-Speyn (paytaxt), San-Fernando, Arima, Sent-Cozef (Trinidad və Tobaqonun ilk paytaxtı).

İqtisadiyyat

Əsas sənaye sahəsi neft hasilatı və neftlə əlaqədar olan kimya, neftkimyası sahələridir. Turizmdə belə mövcuddur.

Adada beynəlxalq hava limanı fəaliyyət göstərir.

Mədəniyyat

Hər noyabr ayında adada Caz festivalı keçirilir.

Ədəbiyyat

• Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 549. — 552 с. — 10 000 экз. — ISBN 985-11-0251-2 (Т. 15). (bel.)

Mənbə

• Trinidad və Tobaqo