Türklər
Əsasən Türkiyədə yaşayan türk etnik qrupu From Wikipedia, the free encyclopedia
Anadolu türkləri (türk. Anadolu Türkleri), Türkiyə türkləri (türk. Türkiye Türkleri) və ya sadəcə türklər (türk. Türkler) — əksəriyyəti Osmanlı İmperiyası dağıldıqdan sonra qurulan Türkiyə torpaqlarında yaşayan türk xalqına verilən addır. Türk xalqları içində etnik cəhətdən oğuz türkləri ilə daha yaxındır.
| Anadolu türkləri | |
|---|---|
| Sayları və yaşadığı ərazilər | |
| Dili | Türk dili |
| Dini | əksəriyyət İslam |
| Mənşəyi | Oğuz türkləri |
| Vikianbarda əlaqəli mediafayllar | |
Türkiyə türkləri Türkiyənin əsas etnik qrupunu təşkil edən və türk dilində danışan xalqdır. Onlar, əsasən, Anadolu və Şimali Kipr bölgəsində yaşayırlar.
- Mənşə və tarix
Türkiyə türkləri Orta Asiyadan Anadoluya köçmüş oğuz türklərinin nəslindən gəlirlər. XI əsrdə Səlcuq türkləri Anadoluya daxil oldu və burada Bizans İmperiyası ilə mübarizə apardılar.[1] Daha sonra Osmanlı İmperiyası quruldu və bu imperiya yüzillərlə Avropa, Asiya və Afrikanın böyük hissələrinə hakim oldu. Osmanlı İmperiyasının dağılmasından sonra 1923-cü ildə Türkiyə Cümhuriyyəti quruldu.
- Dil və əlifba
Türkiyə türklərinin danışdığı dil türk dilidir. Türkcə 1928-ci ilə qədər ərəb qrafikası ilə yazılırdı, lakin Atatürkün həyata keçirdiyi islahatlarla latın əlifbasına keçildi.
- Mədəniyyət və mətbəx
Türkiyə türkləri zəngin mədəniyyətə malikdirlər. Onların mədəniyyəti qədim türk, islam və Osmanlı ənənələrinin qarışığıdır.
Musiqi və rəqs: Türk xalq musiqisi, klassik Osmanlı musiqisi və müasir pop musiqisi geniş yayılmışdır. Halay, zeybək, horon və karsilama kimi rəqslər məşhurdur.
Ədəbiyyat: Yunus Əmrə, Pir Sultan Abdal, Namiq Kamal, Nazim Hikmət və Orxan Pamuk kimi şair və yazıçıları dünya miqyasında tanınır.
Mətbəx: Türk mətbəxi çox zəngindir. Kabab (Adana & Urfa), lahmacun, dolma (sarma), paxlava (baklava), künəfə, dönər, börək, mərcimək şorbası, mənəmən, simit və s. məşhur yeməkləri sırasındadır.
Türkiyə türklərinin əksəriyyəti müsəlmandır (əsasən sünni [2](hənəfi) və bəzi ələvi (bəktaşi) qruplar). Bununla yanaşı, kiçik xristian və yəhudi icmaları da var.
İstinadlar
Xarici keçidlər
Wikiwand - on
Seamless Wikipedia browsing. On steroids.