Rafiq Hüseynov (diktor)

Vikipediyada bu ad-soyadlı digər şəxslər haqqında da məqalələr var; bax: Rafiq Hüseynov.

Rafiq Əyyub oğlu Hüseynov (4 avqust 1946, Şuşa, DQMV – 26 oktyabr 2017, Düsseldorf) — Azərbaycan Televiziyasının aparıcısı, diktor, Azərbaycan SSR xalq artisti (1990).

Rafiq Hüseynov
Rafiq Əyyub oğlu Hüseynov
Digər adı	Rafiq Hüseynli
Doğum tarixi	4 avqust 1946
Doğum yeri	Şuşa, Azərbaycan SSR, SSRİ
Vəfat tarixi	26 oktyabr 2017 (71 yaşında)
Vəfat yeri	Düsseldorf, Şimali Reyn-Vestfaliya, Almaniya
Vəfat səbəbi	ağciyər xərçəngi
Dəfn yeri	Yasamal qəbiristanlığı
Vətəndaşlığı	SSRİ→ Azərbaycan
Həyat yoldaşları	Roza Tağıyeva, Səbinə Hüseynli
Uşağı	Leyli Hüseynli
Milliyyəti	azərbaycanlı
Fəaliyyəti	diktor
Fəaliyyət illəri	1966-cı ildən
Mükafatları	1990 1990

Həyatı

Rafiq Hüseynov 1946-cı ildə Şuşa şəhərində anadan olub. 17 yaşında Azərbaycan Televiziyasında çalışdıqdan sonra 1966-cı ildə təcrübəçi diktor kimi fəaliyyətə başlayıb.^[1]

2016-cı ildə Azərbaycan Milli Kino Günü münasibətilə Azərbaycan Kinematoqrafçılar İttifaqının təsis etdiyi illik mükafata layiq görülmüşdür.^[2][3] Televiziya diktoru Roza Tağıyevanın həyat yoldaşı olmuşdur. Daha sonra Səbinə Hüseynli ilə ailə həyatı qurub. Bu izdivacdan Leyli Hüseynli dünyaya gəlib.

26 oktyabr 2017-ci ildə Almaniyanın Düsseldorf şəhərində vəfat edib.^[4] 2 noyabr 2017-ci ildə cənazəsi Almaniyadan Bakıya gətirilib.^[5] 3 noyabr 2017-ci ildə Rəşid Behbudov adına Azərbaycan Dövlət Mahnı Teatrında^[6] baş tutan vida mərasimindən sonra Yasamal qəbiristanlığında dəfn olunmuşdur.^[7]

Filmoqrafiya

• Şəki (film, 1977)
• Ölü zona (film, 1988)
• Fəryad (film, 1993)
• Artilleriyanın allahı sayılırdı (film, 1996)
• Ailə (film) (tammetrajlı bədii film) — redaktor
• Kədərimiz... Vüqarımız...
• Nəsrulla Nəsrullayev (film, 1999)
• Narahat adam (film, 2005)
• Biz qayıdacağıq (film, 2007)
• Top həm düşər, həm qalxar (film, 2011)
• Gün keçdi (film, 2012)