Luçio Dalla

Luçio Dalla (it. Lucio Dalla; 4 mart 1943^[1][2][…], Boloniya^[3] – 1 mart 2012^[1][2][…], Montrö^[d], Vo kantonu^[3]) — italyan bəstəkar və müğənni.

Luçio Dalla
it. Lucio Dalla
Ümumi məlumatlar
Doğum adı	Lucio Dalla
Doğum tarixi	4 mart 1943(1943-03-04)[1][2][…]
Doğum yeri	Boloniya[3]
Vəfat tarixi	1 mart 2012(2012-03-01)[1][2][…] (69 yaşında)
Vəfat yeri	Montrö[d], Vo kantonu, İsveçrə[3]
Vəfat səbəbi	ürək tutması
Musiqiçi məlumatları
Fəaliyyəti	aktyor, müğənni-mahnı yazarı, bəstəkar, film bəstəkarı
Fəaliyyət illəri	1966-cı ildən
Janr	rok
Musiqi alətləri	klarnet, piano
Səs tembri	tenor
Albom şirkəti	RCA Records
Mükafatları
luciodalla.it
Vikianbarda əlaqəli mediafayllar

Həyatı

Luçio Dalla 1943-cü ildə İtaliyanın Bolonya şəhərində doğulub. Əvvəl caz ifaçısı olub, klarnetdə çalıb. 1964-cü ildən mahnıları ilə tanınmağa başlayıb.

Məşhur italyan müğənni Canni Morandi üçün mahnılar yazıb. Dallanın "Piazza Grande", "Luna all", "Anno che verra" mahnıları çox sevilir.

"Karuzonun xatirəsinə"

Onu dünyada ən çox tanıdan mahnı 1986-cı ildə əfsanəvi opera müğənnisi Enriko Karuzoya həsr etdiyi "Karuzonun xatirəsinə" (Caruso) mahnısıdır.^[4] Təsadüfən Neapoldakı otellərin birində qalan Luçio Dalla Karuzonun burada vəfat etdiyini öyrənir. Otelin sahibləri ona Karuzonun son günləri barədə danışırlar. Onun nəğmə dərsi dediyi bir qıza sevgisindən söz açırlar. Bu hekayə Dallanı ilhamlandırır və o, Karuzoya həsr etdiyi əfsanəvi mahnını yazır. Bu mahnını dünyanın bir çox məşhur müğənniləri, o cümlədən Luçano Pavarotti, Xulio İqlesias, Andrea Boçelli və bir çox başqaları oxuyublar. Azərbaycanda da bu bəstənin ifaçıları var.

Vəfatı

Luçio Dalla 1 mart 2012-ci ildə, 69-cu doğum gününə 3 gün qalmış İsveçrənin Montrö şəhərində keçirdiyi infarktdan vəfat etmişdir.^[5] Onun Bolonyadakı dəfn mərasimində 50 mindən artıq pərəstişkarı iştirak etmişdi.^[6]

İstinadlar

1. Bibliothèque nationale de France BnF identifikatoru (fr.): açıq məlumat platforması. 2011.
2. Lucio Dalla // filmportal.de. 2005.
3. Deutsche Nationalbibliothek Record #119181037 // Ümumi tənzimləmə nəzarəti (GND) (alm.). 2012—2016.
4. ""Caruso" lyrics with translation". Oneloveandrina.com. İstifadə tarixi: 2013-08-04.^{[ölü keçid]}
5. D'emilio, Frances. "Lucio Dalla Dead: Italian Singer-songwriter Dies at 68". The Huffington Post. 7 sentyabr 2012. 9 March 2016 tarixində arxivləşdirilib. İstifadə tarixi: 7 September 2012.
6. Manca, Paola Benedetta. "In 50,000 in Piazza: Lacrime e Applausi per Il Funerale di Dalla". Donne sul Web (Italian). Rome. 4 March 2012. 23 October 2013 tarixində arxivləşdirilib. İstifadə tarixi: 7 sentyabr 2012.