Ləman Ələşrəfqızı

Ləman Aləşrəf qızı İsmayılova (15 dekabr 1971, Vartaşen) — veriliş redaktoru, köşə yazarı, LAF TV-nin direktoru, Azərbaycan Respublikasının əməkdar jurnalisti (2015).^[1]

Ləman Aləşrəf qızı
Doğum tarixi	15 dekabr 1971(1971-12-15) (53 yaş)
Doğum yeri	Vartaşen, Vartaşen rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
İxtisası	jurnalistika
Təhsili	Bakı Dövlət Universitetinin Jurnalistika fakültəsi
Fəaliyyəti	müxbir, köşə yazar, Tv rəhbəri
Fəaliyyət illəri	1996 – h. h.
Mükafatları	2015

Həyatı

Ləman Aləşrəf qızı İsmayılova Oğuz rayonunda anadan olmuşdur.^[2] Bakı Dövlət Universitetinin Jurnalistika fakültəsini bitirmişdir.^[2]

Ailəsi

Ailəlidir, 2 övladı var. Oğlu Rəsul və qızı Nilufər.^[2]

Fəaliyyəti

Universiteti bitirəndən sonra birinci iş yeri "Şəfqət" qəzetində olmuşdur.^[2] Sonra "Olaylar" İnformasiya Agentliyinin parlament müxbiri kimi fəaliyyətə başlayıb (1996).^[2] Ondan sonra "Azadlıq", "Hürriyyət", yenidən "Azadlıq" qəzetlərində işləmişdir (2002-ci ilə qədər).^[2]

2003-cü ildə ANS televiziyasına müraciət etmiş, yeni layihə olan "İç xəbər"də işləməyə başlamış, 8 il bu layihəsində çalışmışdır.^[2] İlk 6 ay "İç xəbər"də müxbir, sonra verilişin redaktoru, buraxılış rəhbəri, ən sonda isə "İç xəbər"in rəhbəri olmuşdur.^[2]

2012-ci ilin mart ayından 2016-cı il may ayınadək ANS-in "Xəbərçi" proqramında çalışıb. Şirkətin təsisçilərindən olan Seyfulla Mustafayevin əmri ilə ANS- dəki işinə xitam verilərək işdən çıxarılıb.^[2]

2018-ci ilin mart ayının 15-dən yenicə yaradılan "REAL Təhlil İnformasiya Mərkəzi" MMC-də çalışır.

2020-ci il 9 fevral növbədənkənar Parlament seçkilərinə qatılmış, deputat seçilə bilməmiş və nəticələrə etiraz etmişdir. İşlədiyi REAL TV-də fikir ayrılığı yaranmışdır. REAL TV-dən həmkarı Afət Telmanqızı ilə bərabər ayrılmışdır.

Daha sonra Afət Telmanqızı ilə birgə "LAF TV" internet televiziyasını təsis etmiş və ilk yayımı 28 may 2020-ci ildə gerçəkləşdirmişdir.

2015-ci ildə Azərbaycan Respublikasında kütləvi informasiya vasitələrinin inkişafındakı xidmətlərinə görə "Əməkdar jurnalist" fəxri adına layiq görülüb.

Mükafatları

• Həsən bəy Zərdabi mükafatı
• "Qızıl qələm mükafatı"
• "Azərbaycan Respublikasının əməkdar jurnalisti" fəxri adı — 15 iyul 2015^[1]

Filmoqrafiya

1. Artilleriya allahı (film, 2015)
2. "Sonuncu Qəhrəman" — 09.05.2015
3. "Sərdar"
4. "Əkinçi"—22.07.2015
5. "Musiqinin Məcnunu"—17.09.2015
6. "Sevgili Bayrağım"—09.11.2015
7. "Yurd ilanı" — 01.07.2016
8. Ağ adam (film, 2016)
9. Ağıllılar və dəlillər (film, 2016)
10. "Son beşik" — 05.02.2016
11. "Diş ağrısı" — 20.03.2018
12. "Topa tutulan baş" — 26.05.2018
13. "Şapkalı Urus" — 22.07.2018
14. "Bakı qoçuları" — 15.09.2018
15. "Bir qalanın sirri" — 01.10.2018
16. "Quzğun dəniz" — 08.10.2018
17. "Dayaq" — 18.10.2018
18. "Müşfiqə atılan güllə" — 29.10.2018
19. "Baş qoyduğumuz ucalıq" — 09.11.2018
20. "Azad heykəl qadın" — 27.12.2018
21. "Güllələnən gül" — 20.01.2019
22. "Allahın Lütfü" — 04.02.2019
23. "613" — 26.02.2019
24. "Nəhəng və firəng" — 28.05.2019
25. "Əbədiyyət Nəsimi" — 09.07.2019

İstinadlar

1. "Azərbaycan Respublikasının kütləvi informasiya vasitələri əməkdaşlarına fəxri adların verilməsi haqqında Azərbaycan Respublikası Prezidentinin 15 iyul 2015-ci il tarixli Sərəncamı" (az.). president.az. 20 iyul 2015. 2018-08-17 tarixində arxivləşdirilib. İstifadə tarixi: 2015-07-22.
2. Aytən Əliyeva. ""İç xəbər"çi Ləman Əliəşrəfqızı: "ANS-də gördülər ki, qır-saqqız müxbirəm və ..." - MÜSAHİBƏ" (az.). modern.az. 17.09.2012. 2016-03-04 tarixində arxivləşdirilib. İstifadə tarixi: 2015-05-23.

Xarici keçidlər

• "Siyasət meydanı"#230 Mövzu: "Jurnalistlər Milli Məclisdə niyə təmsil olunmaq istəyirlər?"