From Wikipedia, the free encyclopedia
Hulusi Kılıç (türk. Hulusi Kılıç; 1 yanvar 1956) — Türkiyənin Azərbaycandakı fövqəladə və səlahiyyətli səfiri (2008–2012[1]), Türk Ağsaqqalları Birliyinin Türkiyə və Türk dünyası üzrə həmsədri (2022 — indiyə kimi)[2]
Evlidir və iki övladı var.[3]
Rəşadiyyə liseyini bitirdikdən sonra Hacettepe Universitetində Fransız dili və Ədəbiyyatı ixtisası üzrə təhsil almışdır. Bakalavr təhsilini bitirdikdən sonra həmin ixtisas üzrə də magistr pilləsindən məzun olmuşdur. Daha sonra isə Strasburq Universiteti Siyasi Elmlər fakültəsinində Beynəlxalq münasibətlər ixtisasını bitirmişdir. Okan Universiteti fəxri elmi üzvüdür.
Təhsilini bitirdikdən sonra Türkiyəyə geri dönmüş, 1977-ci ildə Türkiyə Xarici İşlər Nazirliyi İnsan Resursları idarəsində namizəd idarəçi məmur olaraq çalışmışdır. 1978-ci ildə Strasburq konsulluğuna dəftərxana məmuru, Çox Tərəfli Münasibətlər Müdirliyində məmur, 1985-ci ildə Əlcəzair səfirliyində III katib, 1988-ci ildən Bolqarıstan səfirliyində II katib kimi vəzifələrdə çalışmışdır.[3] Müxtəlif vəzifələrdə çalışdıqdan sonra 2000–2005-ci illərdə, Türkiyə Respublikasının Hələbdəki baş konsulu təyin olunmuşdur.[3] 2005-ci ildə Protokol Müdir İdarəsində səfir kimi sədr köməkçisi kimi çalışmışdır və mart, 2008-ci ildən, 2012-ci il, sentyabr ayına kimi. Türkiyə Respublikasının Azərbaycandakı səfiri olmuşdur. 2012-ci ildən isə Xarici İşlər Nazirliyində Afrika üzrə İkili Siyasi İşlər Müdirliyi vəzifəsində çalışmaqda idi, lakin 2015-ci ilin fevral ayında, TBMM-ə seçkilərdə iştirak etmək üçün vəzifəsindən istefa verdi, yalnız seçilə bilmədikdən sonra yenidən əvvəlki vəzifəsinə geri döndü.[3] 2012–2016-cı illərdə Türkiyə Xarici İşlər Nazirliyində Afrika Məsələləri Ümumi Müdiri kimi çalışmışdır. 2016–2018-ci illərdə Moldovada Türkiyənin səfiri olmuşdur.[4] Bundan başqa müstəqil üzv kimi Petkim idarə heyətində çalışmışdır.[5] Hal-hazırda Türkiyənin Moldovadakı səfiridir.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.