Firuzə xanım Qovanlı-Qacar

Firuzə xanım Qovanlı-Qacar — Şuşadan gəlmiş, peşəkar akademik fortepiano təhsili almış, ilk azərbaycanlı peşəkar qadın pianoçu.^[1]

Firuzə xanım Qovanlı-Qacar
Ümumi məlumatlar
Doğum tarixi	1889
Doğum yeri	Tiflis, Tiflis qəzası, Tiflis quberniyası, Rusiya imperiyası
Vəfat tarixi	1916
Vəfat yeri	Şuşa, Şuşa qəzası
Vətəndaşlığı	Rusiya imperiyası AXC Azərbaycan SSR ZSFSR SSRİ
Musiqiçi məlumatları
Musiqi aləti	fortepiano
Təhsili	Sankt-Peterburq Konservatoriyası

Həyatı

Firuzə xanım Tiflisdə İmperator, sonralar Azərbaycan Xalq Cümhuriyyəti Ordusunun polkovniki olan şuşalı Seyfulla mirzə Qovanlı-Qacarın ailəsində anadan olub. Ailənin ən böyük övladı olub. Seyfulla mirzənin həyat yoldaşı Ruxsarə xanım Qafqaz Müsəlman Qadınları Xeyriyyə Cəmiyyətinin üzvü idi və yüksək təhsilli qadın idi. O, rus, fransız və fars dillərini bilir, ədəbiyyat və musiqiyə xüsusi maraq göstərirdi. Seyfulla Mirzənin evində müxtəlif alman istehsalı üç royal var idi ki, onları Ruxsarə xanım mütəmadi olaraq çalırdı. Ruxsarə xanım uşaqlara fortepiano dərsi də verirdi.^[1] Bu evdə çox tez-tez musiqi məclisləri təşkil olunurdu və buraya təkcə onların qohumları deyil, həm də fortepiano musiqisinin pərəstişkarları da dəvət edilirdilər.

Seyfulla mirzə ilə Ruxsarə xanımın oğlu Əlixan mirzə musiqiyə həvəs göstərməmiş, bacısı Firuzə xanım isə musiqiyə həvəs göstərərək, həyatını musiqiyə həsr etmək qərarına gəlir.

Musiqi təhsili

Firuzə xanım əvvəlcə Tiflisdə, sonra isə Peterburq Konservatoriyasında musiqi təhsili alıb. Konservatoriyanı "əla" qiymətlərlə bitirdikdən sonra Tiflisə qayıdır. Müəyyən vaxtdan sonra burada ailə həyatı qurur. Firuzə xanımın yaradıcılıqla bağlı bir çox planları var idi. Lakin taleyi buna imkan vermədi. İlk övladını dünyaya gətirərkən doğuş zamanı 27 yaşında vəfat edir.^[1]

Həmçinin bax

• Seyfulla mirzə Qovanlı-Qacar

İstinadlar

1. Chingiz Qajar. Old Shusha. Baku: Şərq-Qərb. 2014. səh. 290. ISBN 978-9952-448-82-5.