Azadlıq meydanı (Bakı)

Bu adın digər istifadə formaları üçün bax: Azadlıq meydanı.

Azadlıq meydanı — Bakının ən böyük meydanı, SSRİ dövründə Lenin meydanı adlanırdı.^[1]

Azadlıq meydanı
Ümumi məlumatlar
Ölkə	Azərbaycan
Rayon	Səbail rayonu
metro	Sahil, 28 May
Əvvəlki adı	Lenin meydanı

Tarixi

1952-ci ildə Bakının mərkəzində Hökumət Evinin tikintisindən sonra, meydanın salınmasına başlanıb. 1960-1970-ci illərdə salınmış meydanın qarşısında Leninin heykəli ucalırdı.

Meydan hərəkatı

İlk dəfə 1988-ci ilin meydan hadisələri zamanı Lenin meydanı Azadlıq meydanı adlandırılmağa başladı. 20 yanvar hadisələrindən sonra isə meydanın yeni adı xalq tərəfindən birmənalı qəbul edildi. Daha sonra isə rəsmiləşdirildi. Meydanın qarşısında Hökumət evinin fasadında Leninin nəhəng heykəli aşırıldı. Bu gün onun yerində Azərbaycan bayrağı dalğalanır^[2].

1988-ci il, noyabrın 17-də Bakının əsas meydanında Mərkəzi komitənin xalqımıza qarşı apardığı antiazərbaycan siyasətinə etiraz əlaməti olaraq Azərbaycan ictimaiyyətinin mitinqi başlandı. Xalq hərəkatı Bakının ən böyük meydanına yüz minlərlə, hətta statistik məlumatlara görə milyonlarla insanın toplaşması ilə başladı.

Həmçinin bax

• Milli Dirçəliş Günü

İstinadlar

1. Milli qurur günümüz...^{[ölü keçid]}
2. Lenin yaşayıb, yaşayır(?), yaşayacaq(?)^{[ölü keçid]}