Azərbaycan SSR əməkdar rəssamı

Azərbaycan SSR əməkdar rəssamı (azərb-kiril. Азәрбајҹан ССР әмәкдар рәссамы) — Azərbaycan SSR-də incəsənətin rəssamlıq sahəsində fərqlənən incəsənət xadimlərinə verilən fəxri ad.

Azərbaycan SSR əməkdar rəssamı
Азәрбајҹан ССР әмәкдар рәссамы
Ölkə	Azərbaycan SSR
Tip	fəxri ad
Kimə verilir	Azərbaycan SSR-də incəsənətin rəssamlıq sahəsində fərqlənən incəsənət xadimlərinə
Təltif edir	Azərbaycan SSR Ali Sovetinin Rəyasət Heyəti (1964–1990), Azərbaycan SSR Prezidenti (1990–1991), Azərbaycan Respublikasının Prezidenti (1991–)
Status	verilmir
Statistika
Təsis tarixi	15 aprel 1964
Ləğv tarixi	5 fevral 1991
İlk təltif	29 iyun 1964
Son təltif	2 iyun 1990
Təltif sayı	təq. 55
Ardıcıllıq
Yüksək mükafat	Azərbaycan SSR xalq rəssamı
Müvafiqdir	Azərbaycan Respublikasının əməkdar rəssamı

Tarixi və əsasnaməsi

"Azərbaycan SSR əməkdar rəssamı" fəxri adı Azərbaycan SSR Ali Soveti Rəyasət Heyətinin 15 aprel 1964-cü il tarixli Fərmanı ilə təsis olunmuşdur.^[1][2]

Fəxri adla görkəmli rəsm, qrafika, dekorativ və tətbiqi incəsənət əsərləri yaratmış rəssamlar təltif olunurdu.^[3]

Fəxri ad Azərbaycan SSR Ali Soveti Rəyasət Heyəti tərəfindən verilirdi və onu almış şəxslər Azərbaycan SSR Ali Sovetinin Fəxri Fərmanı ilə təltif olunurdu.^[3]