8 №-li Qayıdış qəsəbəsi

Bu adın digər istifadə formaları üçün bax: Qayıdış qəsəbəsi.

8 №-li Qayıdış qəsəbəsi — Azərbaycan Respublikasının Füzuli rayonunun 8 №-li Qayıdış qəsəbə inzibati ərazi dairəsində qəsəbə.^[1]

8 №-li Qayıdış qəsəbəsi
39°44′11″ şm. e. 47°30′57″ ş. u.HGYO
Ölkə	Azərbaycan
Tarixi və coğrafiyası
Əsası qoyulub	1 sentyabr 2004
Saat qurşağı	UTC+04:00
Rəqəmsal identifikatorlar
Telefon kodu	994 26
Nəqliyyat kodu	19
Xəritəni göstər/gizlə 8 №-li Qayıdış qəsəbəsi

Bu Qəsəbə "Bələdiyyə əraziləri və torpaqları haqqında" Qanunla^[2] Füzuli rayonunun Bala Bəhmənli bələdiyyəsinin ərazisinə aid edilib.

Tarixi

"Azərbaycan Respublikasının bəzi şəhər və rayonlarının inzibati ərazi bölgüsündə qismən dəyişikliklər edilməsi haqqında" 01.09.2004-cü il tarixli 727-IIQ nömrəli Qanunun^[3] "Füzuli rayonu üzrə" hissəsinin birinci abzasına əsasən "Füzuli rayon inzibati ərazi vahidi tərkibində faktik mövcud olan Haramı sahəsində yeni salınmış 8 №-li Qayıdış... qəsəbələri rayonun ərazi vahidləri siyahısına daxil" edilmişdir.

Həmin hissənin üçüncü abzası ilə "Mərkəzi 6 №-li Qayıdış qəsəbəsi olmaqla, 6 №-li Qayıdış, 7 №-li Qayıdış, 8 №-li Qayıdış, 9 №-li Qayıdış, 10 №-li Qayıdış və 11 №-li Qayıdış qəsəbələrindən ibarət İkinci Haramı qəsəbə inzibati ərazi dairəsi" yaradılmışdır.

"Azərbaycan Respublikasının Füzuli rayonunun inzibati ərazi bölgüsündə qismən dəyişikliklər edilməsi haqqında" 19.06.2009-cu il tarixli 837-IIIQ nömrəli Qanunun^[4] I hissəsinin yeddinci abzasına əsasən "8 №-li Qayıdış qəsəbəsi İkinci Haramı qəsəbə inzibati ərazi dairəsi tərkibindən ayrılaraq, həmin qəsəbə mərkəz olmaqla 8 №-li Qayıdış qəsəbə inzibati ərazi dairəsi" yaradılmışdır.

Əhalisi

Qəsəbədə Birinci Qarabağ müharibəsi zamanı evlərini tərk etmiş məcburi köçkünlər məskunlaşdırılıb.

Təhsil

8 saylı Qayıdış qəsəbəsində 198 şagird yerlik məktəb binası tikilib istifadəyə verilmişdir.^[5]