İsmət Əliyev

İsmət Rəşid oğlu Əliyev (1959, Əmirxeyir, Krasnoselsk rayonu) — Azərbaycan Respublikası daxili işlər nazirinin müavini, polis general-leytenantı. Azərbaycan Respublikası Daxili İşlər Nazirliyinin Apellyasiya Şurasının Sədri.^[1]

İsmət Əliyev
Azərbaycan Respublikası daxili işlər nazirinin müavini
Vəzifədədir
31 oktyabr 2014-cü ildən
Azərbaycan Respublikası Daxili İşlər Nazirliyinin Baş Kadrlar İdarəsinin rəisi
2009 – 2014
Sonrakı	Rafiq Abbasov
Şəxsi məlumatlar
Doğum tarixi	1959
Doğum yeri	Əmirxeyir, Krasnoselsk rayonu, Ermənistan SSR, SSRİ
Təhsili	Azərbaycan Respublikasının Prezidenti yanında Dövlət İdarəçilik Akademiyası, Azərbaycan Texniki Universiteti
Fəaliyyəti	zabit, dövlət qulluqçusu
Rütbəsi	Polis general-leytenantı
Təltifləri	2007 2018 2014
Vikianbarda əlaqəli mediafayllar

Həyatı

Əliyev İsmət Rəşid oğlu 1959-cu ildə Ermənistan Respublikasında Krasnoselsk rayonunun Əmirxeyir kəndində anadan olmuşdur. Ailəlidir, iki övladı var. 23 iyul 2015-ci ildə vəfat edən atası professor Rəşid Əliyev uzun illər Azərbaycan Texniki Universitetində İdman kafedrasının müdiri vəzifəsində çalışıb.^[2]

Təhsili

1981-ci ildə fərqlənmə diplomu ilə Ç. İldırım adına Azərbaycan Politexnik İnstitutunu, 2010-cu ildə isə Azərbaycan Respublikası Prezidenti yanında Dövlət İdarəçilik Akademiyasını bitirmişdir.

Fəaliyyəti

• 1981-ci ildən Daxili İşlər orqanlarında xidmət edir.
• 1981–2009-cu illərdə Azərbaycan Respublikası Daxili İşlər Nazirliyinin Dövlət Avtomobil Müfəttişliyi İdarəsinin Təşkilati-analitik bölməsinin dövlət avtomobil müfəttişi;
• Baş dövlət avtomobil müfəttişi;
• Bölmə rəisi;
• Təbliğat və təşviqat şöbəsinin rəis müavini;
• İdarə rəisinin müavini;
• Dövlət yol polisi əməkdaşlarının hazırlanması üzrə Tədris Mərkəzinin rəisi;
• Dövlət Yol Polisi İdarəsinin rəis müavini;
• Baş Dövlət Yol Polisi İdarəsinin rəis müavini;
• 2009–2014-cü illərdə isə DİN-in Baş Kadrlar İdarəsinin rəisi vəzifələrində işləmişdir.
• 2015-ci il 1 iyul tarixli 1310 nömrəli Sərəncamı ilə polis general-leytenantı ali xüsusi rütbəsi verilmişdir.
• Azərbaycan Respublikası Prezidentinin 2014-cü il 31 oktyabr tarixli 805 nömrəli Sərəncamı ilə Azərbaycan Respublikası daxili işlər nazirinin müavini təyin olunmuşdur.^[3]

Təltifləri

• Azərbaycan Respublikası Prezidentinin 2010-cu il 1 iyul tarixli 987 nömrəli Fərmanı ilə polis general-mayoru ali xüsusi rütbəsi verilmişdir.
• Cinayətkarlığa qarşı mübarizə işinin təşkilində, dövlətin Konstitusiya və dövlət quruluşunun müdafiəsində, əmin-amanlığın təmin edilməsində səmərəli fəaliyyətinə görə Azərbaycan Respublikası Prezidentinin 2007-ci il 29 iyun tarixli 2280 nömrəli Sərəncamı ilə "Vətən Uğrunda" medalı,
• 2014-cü il 1 iyul tarixli 598 nömrəli Sərəncamı ilə 3-cü dərəcəli "Vətənə xidmətə görə" ordeni ilə təltif olunmuşdur.
• Azərbaycan polisinin yaranmasının 100 illik yubileyi münasibətilə və Azərbaycan Respublikasında ictimai təhlükəsizliyin və asayişin təmin edilməsində, cinayətkarlığa qarşı mübarizədə xüsusi xidmətlərinə, qarşılarında qoyulmuş tapşırıqları yerinə yetirərkən fərqləndiyinə görə Azərbaycan Respublikası Prezidentinin sərəncamı ilə 29 iyun 2018-ci ildə 2-ci dərəcəli "Vətənə xidmətə görə" ordeni ilə təltif olunmuşdur.

İstinadlar

1. "Azərbaycan Respublikası Daxili İşlər Nazirliyinin Apellyasiya Şurasının tərkibi". m.mia.gov.az. 2021-07-09 tarixində orijinalından arxivləşdirilib. İstifadə tarixi: 1 iyul 2021.
2. "Generala ağır itki" (az.). reaksiya.az. 23.07.2015. 2016-07-03 tarixində arxivləşdirilib. İstifadə tarixi: 2015-07-23.
3. "Azərbaycan daxili işlər nazirinin müavini". modern.az. 2021-07-11 tarixində arxivləşdirilib. İstifadə tarixi: 1 iyul 2021.

Xarici keçidlər

• Azərbaycan Respublikası Daxili İşlər Nazirliyinin saytında İsmət Əliyev haqqında səhifə. mia.gov.az  (az.)
• "Daxili işlər nazirinin müavini İsmət Əliyev məcburi köçkünlərlə görüşüb". apa.az. İstifadə tarixi: 1 iyul 2021.
• "Vətəndaşların qəbulu". m.mia.gov.az. 2021-07-09 tarixində orijinalından arxivləşdirilib. İstifadə tarixi: 1 iyul 2021.
• "Daxili işlər nazirinin müavini İsmət Əliyev Şirvan şəhərində zona müşavirəsi keçirib". www.dia.az. 2021-07-09 tarixində orijinalından arxivləşdirilib. İstifadə tarixi: 1 iyul 2021.