![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ef/Xandria.jpg/640px-Xandria.jpg&w=640&q=50)
Xandria
From Wikipedia, the free encyclopedia
Xandria — 1994-cü ildə yaranmış simfonik metal qrupudur.
Xandria | |
---|---|
Xandria | |
![]() | |
![]() | |
Əsas məlumatlar | |
Üslub |
simfonik metal qotik metal |
Fəaliyyət illəri |
1994—1997 1999—h.h. |
Ölkə |
![]() |
Şəhər | Bilefeld |
Leybl |
Napalm Records Drakkar Entertainment |
Heyət |
Marko Hoybaum Qerit Lamm Filip Restemayer Stiven Vussov Diana Van Qirzberqen |
Keçmiş üzvlər |
Niki Ueltz Rolan Kruqer Liza Middelhauv Nils Middelhauv |
www.xandria.de | |
![]() |
Qrup 1994-cü ildə Almaniyanın Bilefeld şəhərində gitarist və eyni zamanda vokalist Marko Hoybaum tərəfindən yaranmışdır. 1997-ci ildə dağılan qrup, yeni kollektivi ilə birlikdə ancaq 1999-cu ildə yoluna davam edə bilmişdir. Qrupun janrı haqqında təsnifat vermək çətindir. Demək olar ki qrup, simfonik metal ilə birlikdə elektron musiqinin elementlərini kombinasiya edirdi. Qrupun yazdırdığı bir neçə demo yazıları, müxtəlif MP3 portallarında uğurla nümayiş olunduqdan sonra qrup, 2003-cü ildə "Kill the Sun" adlı ilk albomunu yayımladı. Albom, Almaniya musiqi siyahılarında 98-c yerə qədər qalxdı. Qrupun ikinci albomu "Ravenheart" isə 7 həftə siyahılarda qaldı və 36-cı yerə qədər qalxdı. 2005-ci ildə qrup, "India" adlı üçüncü albomlarını yayımladı. Bu albomda simfoniya tərəf yönlənmə daha çox hiss olunurdu. 2006-cı il 14 dekabr tarixində qrup, öz dördüncü albomları olan "Salomé — The Seventh Veil"-in hazırlıqlarına başlayır. Bu albom da 2007-ci il 25 may tarixində yayımlanır.
2008-ci il 30 aprel tarixində qrupun lideri rolunda olan Liza Middelhauv, şəxsi səbəbləri və daha çox ön planda olmaqdan sıxıldığını əsas gətirərək kollektivi tərk etdi. 2009-cu ilin fevralında qrup, Kerstin Bişofun Xandria'nın yeni vokalisti olması ilə bağlı açıqlama verdi. Ancaq Kerstin bir il qrupla bərabər işlədikdən sonra kollektivi tərk etməyə qərar verdi.
2010-cu il 7 dekabr tarixində qrup növbəti açıqlamasını verdi:
"Biz yeni vokalist tapmışıq, amma hələ ki adını gizli saxlayacağıq. Axtarışlar uzun çəksə də buna dəydi. O elə bizim axtardığımız səsdir. Biz onun adını 20 dekabrda rəsmi saytımızda açıqlayacağıq. Hazırda albom üzərində işləyirik. Ümid edirik yeni ilə albom hazır olar."
20 dekabr tarixində qrup yeni vokalistlərinin adını açıqladı. Bu, daha əvvəl Haggard qrupu ilə işləmiş Manuel Kraller idi. Həmin ilin fevral ayında tənqidçilərdən müsbət rəy almış "Neverworld's End" albomu işıq üzü gördü. Bu dəfəki albomun stili də fərqli oldu: simfo- power metal.
2012-ci il 17 iyul tarixində qrupun rəsmi Facebook səhifəsindən açıqlandı ki, bas gitarist Nils Middelhauv qrupu tərk etdi. Musiqiçi Liza kimi şəxsi səbəbləri əsas gətirərək kollektivi tərk etdi. Xandria daha layiqli bir əvəzetmə üçün axtarışlara başladı və məqsədinə də uğurla çatdı. 2013-cü il 5 fevral tarixində qrup yeni bas gitaristlərinin adını açıqladı. Bu, 32 yaşlı Stiven Vussov idi.
"Biz çox şadıq ki, aylarla baş tutan axtarışlarımız nəticə verdi. Və biz çox şadıq ki, bundan sonrakı bəstələri və çıxışlarımızı Stiven ilə həyata keçirəcəyik ."
2013-cü il 25 oktyabr tarixində qrup öz rəsmi saytındakı açıqlamaya görə Manuel qrupu tərk etdi. Vokalist, musiqi yoluna davam etməyi və başqa janrlarda özünü yoxlamağa qərar verdiyini əsas gətirərək kollektivdən ayrıldı. Qrupun yeni vokalisti Niderlanddan olan və əvvəllər alman qrupu olan Ex Libris ilə işləmiş 28 yaşlı Diana Van Qirzberqen oldu.
2014-cü ilin may ayında qrup, keçmiş stilinin daha çox hiss olunduğu "Sacrificium" adlı albomlarını yayımladı.