Vikipediya:İnzibatçı hüquqlarının geri alınması
From Wikipedia, the free encyclopedia
İnzibatçı hüquqlarının geri alınması bir neçə şəkildə həyata keçirilən əməliyyatdır. Etdikləri müraciət əsasında Azərbaycanca Vikipediya cəmiyyəti tərəfindən inzibatçı olmağa layiq görülmüş şəxslərin bu statusu ya öz istəyi əsasında (istefa), ya Vikipediyanın kukla siyasətinin pozulması səbəbiylə, ya MetaViki-də keçərli olan qlobal qaydaların ödənilməməsi səbəbiylə, ya inzibatçı hüquqlarının aktiv istifadə olunmaması, ya da üzrsüz səbəbdən uzun müddətli aktiv fəaliyyət göstərməmə səbəbi ilə alına bilər. Bütün bu hallar səsvermə hüququ olan istənilən istifadəçinin hərəkətə keçməsinə, ya özü, ya da bürokratlar tərəfindən inzibatçıların təftişinə səbəb ola bilər. Əgər statusun geri alınması lazımdırsa və statusu alınacaq inzibatçı eyni zamanda bürokratdırsa, istifadəçinin inzibatçı hüququ ilə bərabər bürokrat hüququ da alınmalıdır. Kukla istifadəsi səbəbi ilə statusu geri alınmış inzibatçılar 1 il (365 gün), digər səbəblərdən statusu geri alınmış inzibatçılar isə 6 ay (180 gün) sonra namizədlik qaydalarını ödədiyi təqdirdə yenidən inzibatçı namizədi ola bilər.
|
Bu qayda rəsmi olaraq qəbul edilməmişdir. Qayda hal-hazırda hazırlanma mərhələsindədir. |
- Səsvermə müddəti: 25 may 2022 — 9 iyun 2022
- Qüvvədədir:
Bütün inzibatçılar digər bütün vikipediya istifadəçiləri kimi etdikləri hər bir redaktə üçün məsuliyyət daşımaqdadır. Həmçinin bütün inzibatçılar səsvermə hüququ olan bütün istifadəçilər tərəfindən təftiş oluna bilər.