Cənubi Koreyalı müğənni-bəstəkar və aktyor From Wikipedia, the free encyclopedia
Kim Taehyung (kor. 김태형; 30 dekabr 1995[1], Tequ) və ya səhnə adı ilə V —Cənubi Koreyalı müğənni, söz yazarı və aktyordur.2013-cü ildə Big Hit Entertainment (Hybe Corporation) tərəfindən yaradılan BTS (musiqi qrupu)-in üzvüdür. V qrupun adı altında üç solo mahnı buraxdı: 2016-cı ildə "Stigma", 2018-ci ildə "Singularity" və 2020-ci ildə "Inner Child" Cənubi Koreyanın Qaon Rəqəmsal cədvəldə yer alıb. 2019-cu ildə V özünün ilk müstəqil mahnısı olan "Scenery" adlı rəqəmsal trekini buraxdı. O, həmçinin qrup yoldaşı Sokçinilə birlikdə Hvaran dramının soundtrekində göründü.
V | |
---|---|
kor. 김태형 | |
![]() | |
Ümumi məlumatlar | |
Doğum adı | 김태형 |
Ləqəbi | V |
Doğum tarixi | 30 dekabr 1995[1] (28 yaş) |
Doğum yeri | |
Musiqiçi məlumatları | |
Fəaliyyəti | müğənni-mahnı yazarı, televiziya aktyoru, musiqi prodüseri, rəqqas, model[d], fotoqraf |
Fəaliyyət illəri | 2013-cü ildən |
Janrlar | K-pop, neo soul[d] |
Səs tembri | bariton |
Albom şirkəti | Big Hit Music |
Üzvlüyü | |
![]() |
|
![]() |
Kim Tae-hyung, 30 dekabr 1995-ci ildə Cənubi Koreyanda Tequnun So Bölgəsində anadan olub Qonçan əyalətində böyümüşdür. Özündən balaca bir bacısı və bir qardaşı var. V 7-ci sinfə gedərkən saksofon çalmağa başladı və 3 il məşq etməyə davam etdi. O Tequ-da bir seçmədən keçdikdən sonra Big Hit Entertainment üçün stajyer oldu.2014-cü ildə Koreya İncəsənət Liseyini bitirdikdən sonra V Qlobal Kiber Universitetinə daxil oldu — o, 2020-ci ilin avqustunda Yayım və Əyləncə ixtisası üzrə məzun oldu. 2021-ci ildən etibarən o, Hanyang Kiber Universitetində Reklam və Media üzrə Biznesin İdarəedilməsi Magistrinə daxil olub.
Debütdən əvvəl o, BTS-in "gizli üzvü" idi. Agentlik ona sürpriz etmək istədiyi üçün pərəstişkarları onun varlığından xəbərsiz idilər. O, bu konsepsiyanın onu narahat və tənha hiss etdirdiyini söylədi, çünki düşündüyü kimi, komandadan ayrıla bilər.13 iyun 2013-cü ildə üzvü olduğu "BTS"-in "2Cool 4Skool" un "No More Dream" başlıq mahnısının çıxması ilə rəsmi debut etdi. V ilk bəstəsini qrupun "The Most Beautiful Moment in Life, Part 1" albomundakı 3-cü mahnı olan Hold Me Tight il' etdi. O mahnının sözləri yazıb və Slow Rabbit ilə prodüserlik etmişdir Eyni albomda yer alan "Boyz with fun" mahnısının sözlərinin yazılışında da iştirak etdi. Bir sonrakı albomları The Most Beautiful Moment in Life, Part 2-nin 2-ci mahnısı "Run"-nın sözlərini yazmışdır Eynilə, sonrakı albomları Wings də olan öz solo mahnısı "Stigma" nın sözlərini yazdı."Stigma" Gaon Music Chart-da 26-cı, Billboard World Digital Singles siyahısında 10-cu oldu. V həm də qrup yoldaşı J-hope ilə birlikdə Jung Joon-il adlı muğənninin "Hug me" adlı mahnısına və Adel-in "Someone Like You" adlı mahnısına Cover etmişdir.
2018-ci ilin may ayında onun ikinci solo mahnısı olan "Singularity" BTS-in daha sonra qarşıdan gələn üçüncü LP olan "Love Yourself: Tear"-ın treyleri kimi yayımlandı. Parça oktyabrın 25-də BBC Radiosunda Böyük Britaniya radiosunda debüt etdi. Çıxışından bir ay sonra 2The Guardian2 "Singularity" mahnısını "2018-ci ilin iyun ayı üçün ən yaxşı 50 mahnı" pleylistinə əlavə etdi və Billboard onu Tənqidçilər siyahısına daxil etdi. "Top 50 BTS mahnısı" 28-ci yerdədir. Ümumilikdə, "Singularity" tənqidçilər tərəfindən yaxşı qarşılandı və nəticədə bir neçə ilin sonunda "Critics' Choice" siyahılarında qeyd edildi. "The New York Times" onu "2018-ci ilin 65 ən yaxşı mahnısı" siyahısında "Fake Love" ilə yanaşı iyirminci yeri tutdu. və "Guardian" musiqi tənqidiçisi Laura Snapes bunu "2018-ci ilin ən yaxşı musiqisi: Albomlar və treklər" siyahısına sevimli musiqilərindən biri kimi daxil etdi.
Oktyabrın 24-də V mədəniyyətin yayılmasındakı roluna görə BTS-in digər üzvləri ilə birlikdə Cənubi Koreya Prezidenti tərəfindən ona verilən nüfuzlu beşinci dərəcəli Hvaqvan Mədəni Xidmətlərə görə medalının ən gənc sahiblərindən biri oldu.
V qrup yoldaşı J-Hope ilə birlikdə isveçli müğənni Zara Larsson ilə BTS World mobil oyununun soundtrek albomu üçün "A Brand New Day" adlı mahnıda əməkdaşlıq etdi. Mahnı 14 iyun 2019-cu ildə buraxıldı və Dünya Rəqəmsal Mahnı Satışları cədvəlində bir nömrədə debüt etdi. Səkkiz ay sonra o, "Friends" mahnısı üçün qrup yoldaşı Çimin ilə əməkdaşlıq etdi və o, həmçinin "Map of Soul: 7" albomunda "Inner Child" adlı solo mahnısının bəstələnməsi və yazılmasında iştirak etdi.
2021-ci ilin iyul ayında o, "davamlı inkişaf kimi gələcək nəsillər üçün qlobal gündəmə rəhbərlik etmək" və beynəlxalq ictimaiyyətdə "Cənubi Koreyanın diplomatik səylərini və qlobal mövqeyini genişləndirmək" məqsədilə BTS-in digər üzvləri ilə birlikdə Prezident Mun Çe-İn tərəfindən gələcək nəsillər və mədəniyyət üzrə xüsusi elçi təyin edildi.
2016-cı ildə V KBS2-nin Hvaran adlı tarixi dramında əsl adı ilə ikinci plan rolu olan Suk Han-sun ilə aktyorluq debütünü etdi. O, həmçinin şounun soundtreki üçün "It's Definitely You" duetində qrup yoldaşı Sokçin ilə əməkdaşlıq etdi. BTS-in dördüncü ildönümünü qeyd etmək üçün V qrup yoldaşı RM ilə birgə prodüserlik etdiyi "4 O'Clock" mahnısını 8 iyun 2017-ci ildə buraxdı.
V qrupun SoundCloud səhifəsi vasitəsilə 30 yanvar 2019-cu ildə BTS-dən kənarda ilk tam solo mahnısı olan "Scenery" i çıxartmışdır. Prodüserliyini Big Hit Entertainment prodüseri Docskim etdiyi və Big Hit prodüserleri Pdogg ve Hiss Noise-un əlavə töhfələrinin daxil olduğu mahnı V tərəfindən yazılıb bəstələnmişdir . On dörd gün ərzində 20 milyondan 100 milyon axına çatan bu mahnı SoundCloud rekordlarını qırdı. Bu platforma üçün ən qısa müddətdir. Çıxışından sonrakı iki həftə ərzində "Scenery" gündəlik yayım rekordunu doqquz dəfə qırdı. Yeddi ay sonra, ikinci solo mahnısı olan "Winter Bear" adlı ilk tam İngilis mahnısını SoundCloud vasitəsilə 9 avqustda BTS-in YouTube kanalında yayımladı. V, 13 mart 2020-də çıxan JTBC drama Itaevon Class-ın soundtrack-ı üçün "Sweet Night" adlı bir mahnıya qatıldı. V tərəfindən yazılan və hazırlanan mahnı tamamilə İngilis dilindədir. Mahnı bəstəsi, vokal performansı və gözəl sözləri ilə ümumiyyətlə yaxşı qiymətləndirmələr aldı və Billboard’un ABŞ Rəqəmsal Mahnı Satışları siyahısında 2-ci sırada iştirak etdi.25 dekabr 2020-ci ildə V, Peakboyun iştirak etdiyi "Snow Flower" adlı solo mahnısını yayımladı.
2021-ci ildə V, dekabrın 6-da premyerası olan Studio N "Our Beloved Summer" dramının orijinal saundtrekində iştirak etdi. "Christmas Tree" adlı mahnı Billboard Hot 100-də 79-cu yerdə debüt etdi və dekabrın 24-də yayımlandıqdan sonra V-ə ilk solo girişini qazandı. Növbəti il V, Disney+ realiti-serialında Peakboy, Pak So Cun, Çoyi Vu-şik və Pak Hyon Şik ilə "In the Soop: Friendship" serialında rol aldı. Sonra o, 2023-cü ildə Pak So Cun və Çoyi Vu-şik ilə birlikdə Prime Video eksklüziv yemək-səyahət şousu "Jinny's Kitchen"-da göründü; şou fevralın 24-də yayımlanmağa başladı. Növbəti ay V, İndoneziya investisiya şirkəti SimInvest üçün brend səfir və fransız lüks brendi Celine üçün qlobal səfir elan edildi.
V, səs diapazonu və "boğuq" tonu üçün xüsusi təriflə ümumilikdə müsbət tənqidi qəbul edilmiş bariton oxuyan səsə malikdir. O, "Stigma" adlı solo mahnısını ifası ilə daha geniş vokal şöhrəti qazandı və onun səs diapazonunu və unikal musiqi qabiliyyətini nümayiş etdirən falsettoları ilə tərifləndi. BTS-in "Love Yourself: Tear (2018)"-in açılış treki olan "Singularity"də V-nin tonallığı musiqi tənqidçisi Blanca Mendez tərəfindən albomda "ton tənzimləyicisi" kimi qeyd edildi. Eynilə, "Vice"-dən Keyti Qoh bunu "V-nin ən yaxşı vokal ifalarından biri" kimi qiymətləndirdi."Elite Daily"-dən Karen Ruffini öz məqaləsində "V… BTS üçün ümumi səsin əsas elementi olan super sakitləşdirici, alçaq tonlar yaratmaqda heç bir problemi yoxdur" dedi, Billboard-dan Tamar Herman da V-nin aşağı diapazonunun BTS musiqisinin parçası olduğunu qeyd etdi. V-nin musiqililiyinə onun caz və klassik musiqiyə olan sevgisi böyük təsir göstərir. Erik Benet və Ruben Studdard onun ilhamvericiləri arasındadır.
Bir ifaçı kimi V-nin üslubu özünün "ikililiyi" və ya səhnədə müxtəlif emosiyalar oyatmaq bacarığı ilə tanınır."NME" üçün yazan britaniyalı jurnalist Rian Daly bunu xüsusilə V-nin "Love Yourself: Speak Yourself" Dünya Turu zamanı "Singularity" ifasını müzakirə edərkən qeyd etdi və onun hərəkətlərini "dəqiq və düşünülmüş" kimi təsvir etdi."MTV"-dən Kristal Bell V-nin çıxışlarının tez-tez konsert məkanlarında canlı kameralarla işlədiyini və onun çıxışlar zamanı incə ifadələr yaratmaq üçün onlardan necə istifadə etdiyini qeyd etdi.
V 2016-cı ilin noyabrında BTS-in fan görüşü zamanı "I Purple You " ifadəsini işlətdi. O vaxtdan bəri bənövşəyi rəng BTS və onların pərəstişkarlarının simvoluna çevrildi. UNICEF bu ifadəni BTS ilə əməkdaşlıqda zorakılığa qarşı mübarizə kampaniyası üçün də istifadə etdi.
2018-ci ildə "Eugene Investment & Securities Co., Ltd." K-pop sənayesidə Google axtarış tendensiyaları ilə bağlı analitik araşdırma aparıb. "V" qrafikdə birinci yeri tutdu, yəni Cənubi Koreyada son beş ildə ən çox axtarılan açar söz idi. Gallup Korea tərəfindən aparılan sorğuda V 2019-cu ilin 4-cü ən çox seçilən idolu seçildi; o, əvvəllər 2018-ci ildə 9-cu yerdə idi. 2021-ci ildə o, ardıcıl iyirmi səkkiz həftə ərzində Yaponiyada ən populyar koreyalı məşhur kimi yer aldı.
Müxtəlif sənətçilər onu təsir və rol modeli kimi göstərdilər, məsələn, The Boyz-dan Yonhun və Hvall,Golden Child-dan Cahyon və Canjun, MVP-dən Bin Rainz-dən Byon Hyon-min,Cravity-dən Serim, Ateez-dən Yosan və Minqi, D-Crunch-dan Cunsun və Dilan, Lusente-dən Bao,Newkidd-dən Yunmin, Boy Story-dən Hanyu, TXT-dən Beomgyu, Produce X 101 iştirakçısı Ku Cungo, Li Tasunro, Mahiro Hidaka və keçmiş Wanna One üzvü Pak Ci-hun.
2018-ci ildən 2022-ə qədər V qrup yoldaşları ilə Cənubi Koreyanın Hannam-don şəhərində, Seulda yaşayıb. 2019-cu ilin iyul ayında o, 4,55 milyon ABŞ dolları dəyərində mənzil alıb.
2018-ci ilin oktyabr ayında Parisdə "Love Yourself World Tour" konserti zamanı V xəstəlik səbəbindən oxumaqda çətinlik çəkdi və konsert zamanı oxuduğu bəzi hissələrdən çəkinməli oldu. 2021-ci ilin oktyabrında V baldırının zədələnməsi səbəbindən "Permission to Dance on Stage " konsertləri zamanı xoreoqrafiyadan çəkinəcəyi elan edildi. Əvəzində o, öz partiyalarını oxuyarkən yerində qaldı.
Mükafat mərasimi | İl | Kataqoriya | Namizədlik | Nəticə |
---|---|---|---|---|
APAN Star Awards | 2020 | Ən yaxşı OST | "Sweet Night" | Qazandı |
Melon Music Awards | 2017 | Ən yaxşı OST | "It's Definitely You" | Namizəd |
Soompi Awards | 2018 | Ən yaxşı idol aktyor | V | Qazandı |
Soompi Awards | 2019 | Ən yaxşı xoreoqrafiya | "Singularity" | Qazandı |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.