Skerişoara mağarası
From Wikipedia, the free encyclopedia
Skerişoara mağarası (rum. Peștera Scărișoara, mac. Aranyosfői-jégbarlang) ― Rumıniyada, Karpat dağlarının bir hissəsi olan Apuseni dağlarındakı ən böyük buz mağaralarından biri.[1] Bura turistik məkan və Rumıniyanın təbii möcüzələrindən biri sayılır. Mağara həm də bir buzlaq mağarası olaraq təyin edilmişdir.[2]
| Skerişoara mağarası | |
|---|---|
 | |
| Ümumi məlumatlar | |
| Kəşf tarixi | 1847 |
| Yerləşməsi | |
| 46°29′23″ şm. e. 22°48′35″ ş. u.HGYO | |
| Ölkə | |
|
|
|
 Vikianbarda əlaqəli mediafayllar | |
Mağra haqqında ilk dəfə 1863-cü ildə, ərazidə bəzi müşahidələr aparmış və mağaranın ilk xəritəsini tərtib etmiş Avstriya coğrafiyaşünası Arnold Şmidl tərəfindən məlumat verilmişdir. Daha sonra 1921–1923-cü illər arasında Rumıniyalı alim və speleoloq Emil Rakoviçe ərazini tədqiq etmiş,[3] və haqqında 1927-ci ildə yazdığı Speologia (Speleology) əsərində məlumat vermişdir. Buz mağarası 3500 il əvvəl, ərazidəki dağların qar və buzla örtüldüyü buzlaşma zamanı meydana gəlmişdir.[1] Mağaranın insanlar tərəfindən ilk dəfə kəşf edildiyi dəqiq tarix məlum deyil.[3]
Mağara dəniz səviyyəsindən təxminən 1,150 metr (3,770 ft) yüksəklikdə yerləşir.[1] 120 metr (390 ft) dərinliyində və 720 metr (2,360 ft) uzunluğundadır.[1] 60 metr (200 ft) diametrində olan girişdən başlayan dəmir pilləkənlər uzunluğu 108 metr (354 ft), genişliyi 78 metr (256 ft) olan böyük otağa, Böyük Zala aparır. Böyük Zalda təxminən 18 metr (59 ft) hündürlüyündə buz qayası vardır.[1]
Mağaradakı buzun təxmin edilən həcmi 75,000 m³-dir və bəzi yerlərdə qalınlığı 20 metr (66 ft)-ə çatır.[1] Mağaranın temperaruru +1 °C-ə, qışda isə −7 °C-yə qədərdir. Turistlər üçün hissədə orta istilik 0 °C civarındadır. Buz mağarasında yarasalar və həmçinin Pholeuon prozerpinae glaciale adı verilən kiçik böcəklər (2–3 mm uzunluğunda) yaşayır. Mağarada qarapaça skeleti tapılmışdır.
Mağaranın turistlər üçün açıq olan hissəsinə girişi, Böyük Zalı və kilsə daxildir. Digər otaqlar Kluj-Napoka Speoloji İnstitutunun razılığı ilə elmi araşdırmalar üçün qorunur.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
