Sankt-Yakob Park stadionu

Sankt-Yakob Park stadionu – İsveçrədə, Bazel şəhərində stadion.

Sankt-Yakob Park stadionu
Yeri	Bazel
Açılış tarixi	15 mart 2001
Sahibi	Bazel
Tamaşaçı tutumu	42 500
Ev sahibi komanda	Bazel
Vikianbarda əlaqəli mediafayllar

Bazel klubunun ev oyunlarını keçirdiyi "Sankt-Yakob Park" stadionu Avropada məşhur arenalardandır. Bazel şəhərində yerləşən və 42500 tamaşaçı tutumuna malik "Sankt-Yakob Park" UEFA-nın 4 ulduzlu stadionlarındandır. Komanda yarandığın ildə, yəni 1893-cü ildən ev oyunlarını burada keçirsə də, stadion 12 il öncə köhnə arena – "Yoqqeli"nin yerində tikilib.

Ölçüsü 68x105 m olan "Sankt-Yakob Park"da son Avropa çempionatının (AÇ) final mərhələsində 6 oyun keçirilib. Bunlardan ikisi qrup, ikisi 1/4, biri isə yarımfinal oyunu olub. Turnirin final mərhələsinin qarşılaşmaları üçün yenidənqurma işlərindən sonra 2001-ci ildə açılışı olan arenada bütün tribunaların üstü örtülüdür.

Bazel klubunun stadionu AÇ-nin final mərhələsinin tarixinə düşüb. Belə ki, təşkilatçılar meydanın ot örtüyünü elə turnirin gedişində dəyişməli oldu. Bu, iyunun 11-də Türkiyə yığmasının İsveçrə ilə görüşü zamanı baş verib. Güclü leysanın yararsız hala saldığı stadionun ot örtüyünü UEFA-ya 200 min avroya başa gəlib. Həmin görüşdə hesabda geridə olan türkiyəlilər əzmkar, vacib qələbə (2:1) qazana biliblər.

Sözügedən qitə birinciliyinin ən sürpriz nəticələrindən biri də məhz "Sankt-Yakob Park"da reallaşıb. Söhbət iyunun 21-də Rusiya və Niderland arasında keçirilmiş final oyunundan (3:1) gedir. Ruslar əlavə vaxtda vurduğu iki qolla, gözlənilməz qələbə qazanaraq, turnirin favoritlərindən birini mübarizədən kənarlaşdırıb. Bu, Rusiyanın dünya və Avropa çempionatının pley-off mərhələsində ilk qələbəsi kimi yadda qalıb. Ruslar yarımfinalında uduzmalarına baxmayaraq, məhz Bazel klubunun stadionundakı qalibiyyət sayəsində AÇ-nin bürünc medallarına yiyələniblər.

Tarix	Saat (CET)	Komanda	Nəticə	Komanda	Mərhələ	Tamaşaçı
7 iyun 2008	18.00	İsveçrə	0 – 1	Çexiya	A qrupu	39,730
11 iyun 2008	20.45	İsveçrə	1 – 2	Türkiyə	A qrupu	39,730
15 iyun 2008	20.45	İsveçrə	2 – 0	Portuqaliya	A qrupu	39,730
19 iyun 2008	20.45	Portuqaliya	2 – 3	Almaniya	¼ final	39,374
21 iyun 2008	20.45	Niderland	1 – 3 ə.v	Rusiya	yarımfinal	38,374
25 iyun 2008	20.45	Almaniya	3 – 2	Türkiyə	yarımfinal	39,374

Sankt-Yakob Park stadionu

Mənbə

• Azərbaycan çempionu üçün növbəti stadion: "Sankt-Yakob Park"

Xarici keçidlər

• Basel United Saytı Arxivləşdirilib 2001-05-20 at the Wayback Machine
• FC Bazel Saytı