Rostov vilayəti

Rostov vilayəti (rus. Ростовская область) — Rusiya Federasiyasının subyektlərindən biri. Sahəsi 100,8 min km², əhalisi 4,4 mln. nəfərdir.

Rostov vilayəti
Bayraq[d] Gerb[d]
47°52′ şm. e. 41°11′ ş. u.
Ölkə	Rusiya
İnzibati mərkəz	Rostov-na-Donu
Tarixi və coğrafiyası
Yaradılıb	13 sentyabr 1937
Sahəsi	101.800 km²
Saat qurşağı	Moskva vaxtı[d][1] UTC+03:00
Əhalisi
Əhalisi	4.163.708 nəf. (1 yanvar 2023)
Rəqəmsal identifikatorlar
ISO kodu	RU-ROS
Telefon kodu	863
Avtomobil nömrəsi	61, 161
Rəsmi sayt
Vikianbarda əlaqəli mediafayllar

Coğrafiyası

Rostov vilayəti Şərqi Avropa düzənliyinin cənub hissəsində və Ön Qafqazda yerləşir. Relyefi əsasən düzənlikdir, lakin qərbdə Donetsk təpəliyi (253 m), cənub-şərqdə Yerqeni yüksəkliyi vardır, həmçinin cənubda Kuma-Manıç çökəkliyi mövcuddur. Vilayətin səthi çay dərələri ilə kəsilmişdir. İqlimi mülayim kontinentaldır. Yanvarın orta temperaturu şimalda −9°S, cənubda −5°S, iyulun isə 22–24°S-dir. İldə 400–650 mm yağıntı düşür. Vilayət ərazisi quraqlıqdan əziyyət çəkir. Əsasən qaratorpaqlar, o cümlədən tünd-şabalıdı və şabalıdı torpaqlar yayılmışdır. Çayların subasarlarında allüvial çəmən torpaqları mövcuddur. Ərazinin 6%-i meşələrlə örtülüdür. Çöl zonasının heyvanat aləmi vardır. Əsas çayı Don və onun qollarıdır. Manıç-Qudilo əsas göldür. İri su anbarları yaradılmışdır. Təbii şərait əhalinin həyat fəaliyyəti, eləcə də kənd təsərrüfatının inkişafı baxımından əlverişlidir. Vilayət təbii ehtiyatlarla zəngindir. Belə ki, təbii ehtiyatlardan daş kömür (Donbasın şərq qolu, Şaxtinsk, Novoşaxtinsk), dəmir filizi, tikinti materialları, xörək duzu, təbii qaz və s. vardır.

Əhalisi

Əhalinin sıxlığı hər km²-də 43 nəfər təşkil edir. İri şəhərlərinə Rostov-na-Donu (mərkəz), Taqanroq, Şaxtı, Volqodonsk, Noboçerkassk misaldır. Vilayət ərazisində 100-ə yaxın millətin nümayəndəsi yaşayır: ruslar (90%), ukraynalılar (4%), ermənilər, beloruslar, tatarlar, çeçenlər, moldovanlar, azərbaycanlılar, gürcülər, darginlər, udmurtlar, çuvaşlar, avarlar və s.

Şəhərləri

Mənbə

1. Об исчислении времени. Rusiya hökuməti, 2011.