Qayıqçı evi (Petropavlovsk qalası)

Qayıqçı evi (rus. Ботный дом) - Rusiyanın Sankt-Peterburq şəhərində, Petropavlovsk qalası daxilində, Pyotr və Pavel kafedralı yaxınlığında yerləşən Müqəddəs Nikolay adlı I Pyotr botikinin saxlandığı yer.

Qayıqçı evi
Ботный дом
59°57′01″ şm. e. 30°18′55″ ş. u.HGYO
Ölkə	Rusiya
Şəhər	Sankt-Peterburq
Yerləşir	Dovşan adası kompleksinin tərkibində
Memar	A.F.Vist
Sifarişçi	I Pyotr
Tikilmə tarixi	1761
Vəziyyəti	Muzey
Rusiya Federasiyasının milli irsi
İstinad nöm.	7810390010
Mühafizə dərəcəsi	Federal
Qayıqçı evi
Vikianbarda əlaqəli mediafayllar

Tarixi

Baltik dənizi uğrunda Rusiya və İsveç arasında 1700-1721-ci illərdə baş vermiş Şimal müharibəsi (1700-1721)Şimal müharibəsi bitdikdən sonra imperator I Pyotr öz botikini (yəni qayığını) Moskvadan Sankt-Peterburqa gətirməyi qərara alır. 1723-cü ildə botik təntənəli şəkildə paytaxta daxil olur. Əvvəlcə onun üçün qalada kiçik sipər tikilir. 1761-ci ildə "Rus donanmasının babası" adlanan Pyotrun qayığı Pyotr və Pavel zəng qülləsinin yaxınlığında memar A.F. Vist tərəfindən inşa edilən və Qayıqçı evi adı ilə tanınan kiçik pavilyona köçürülmüşdür.

Memar açılan qapıların ölçüsünü düzgün hesablamadığından, inşaatçılar qayığı otağa yerləşdirmək üçün qapı və divarları sökməyə məcbur olmuşdular.

Evin memarlığında dekorativ barokko üslubundan ciddi klassisizmə keçid öz əksini tapmışdır. Binanın sadə fasadı və bəzəksiz portikləri mürəkkəb formalı tağlı dam və hündür pəncərələrlə birlikdə harmoniya təşkil edir. Damın üzərinə Naviqasiya tanrısının alleqorik heykəli quraşdırılmışdır (1891-ci il, heykəltaraş David Yensen).

Hazırda pavilyonda sərgilər keçirilir və kiçik qayıq Mərkəzi Dəniz Muzeyində yerləşir. Qayıqçı evində orijinal ölçüsü 1/10 gəminin surəti var.

İstinadlar