Qarabağlı (Salyan)

Bu adın digər istifadə formaları üçün bax: Qarabağlı.

Qarabağlı — Azərbaycan Respublikasının Salyan rayonunun inzibati ərazi vahidində kənd.

Qarabağlı
39°46′17″ şm. e. 48°58′06″ ş. u.HGYO
Ölkə	Azərbaycan
Rayon	Salyan rayonu
Tarixi və coğrafiyası
Saat qurşağı	UTC+04:00
Xəritəni göstər/gizlə Qarabağlı
Vikianbarda əlaqəli mediafayllar

Tarixi

Rayon mərkəzindən 28 kilometr məsafədə yerləşən Qarabağlı kəndinin maraqlı tarixi var. Tarixi mənbələrdə göstərilir ki, Qarabağlı kəndi əsasən 1698–1700-cü illərdə Ağdam rayonunun Abdal və Gülablı kəndindən köçən ailələr tərəfindən formalaşmışdır. Bu fakt Qarabağlı kənd qəbristanlığında olan hicri tarixi ilə yazılmış baş daşlarında olan əski əlifba ilə yazılan yazılardan məlum olur. Sonradan 1845-ci illərdən, 1905-ci illərədək Şamaxıdan Kolanı tayfalarının bir hissəsi həm susuzluqdan bu ərazilərə yerləşmiş, həm də qışlaqlarını burada salmışdır. 1948-ci ildə isə Stalinin əmri ilə Qərbi Azərbaycandan, yəni Ermənistanın Əzizbəyov rayonundan (keçmiş Dərələyəz mahalı, 18-ci əsrdə Qarababa adlanan sonralar Paşalı adlanan, əsasən Terp (Tarixi mənbələrdə Derp) və Tarp kəndləri) buraya 80–90 ailə köçürülmüş və burada onlara yaşayış evləri tikilmişdir.^{[mənbə göstərin]}

Əhali üzrə inzibati bölgü

Qarabağlı kənd inzibati ərazi dairəsi üzrə nümayəndəliyinə daxil olan kəndlər. 2009-cu il əhalinin siyahıyaalınması məlumatları əsasında Qarabağlı kəndinin cəmi əhalisi 8367 nəfər olub.

Birinci Qarabağ müharibəsi Şəhidləri

---

S/s	Soyadı, adı və atasının adı	doğum tarixi	Ölüm tarixi
1	Allahverənov Rövşən Məmməd oğlu	13.06.1972	07.05.1994
2	Ağayev İslam Tapdıq oğlu	11.08.1966	07.05.1994
3	Mirzəyev Arif İnşalla oğlu	10.03.1975	11.02.1994
4	Soltanov Xosrov Qabil oğlu	02.02.1970	01.02.1994
5	Xəlilov Nəsimi Məmmədağa oğlu	09.09.1973	28.06.1992
6	Baxşıyev Xəlilağa Məhəddin oğlu	03.01.1965	16.01.1994
7	İsayev İlham Ağaverdi oğlu	08.03.1970	16.06.1993
8	Şahbazov Həsən Telman oğlu	02.01.1975	20.08.1993
9	Nuriyev Taleh Gülxan oğlu	24.11.1985	02.05.2005
10	Muradov Faiq Valeh oğlu	22.01.1982	10.10.2000
11	Həsənov Cəmil Hüseyn oğlu	23.12.1967	20.09.1992
12	Ağayev Bəxtiyar Vaqif oğlu	04.07.1972	05.01.1993
13	Həsənov Vidadi Fərəhman oğlu	20.12.1975	12.05.1994
14	Piriyev Oktay Məzahim oğlu	17.08.1969	17.04.1994

Vətən Müharibəsi şəhidləri

---

• Qasımov Elməddin Aqil oğlu (1999-2020)
• Daşdəmirov Elmar Seymur oğlu (2001-2020)
• Mustafayev Samir Elşən oğlu (1995-2020)
• Xanəlıyev Albaba Elşən oğlu (2002-2020)
• Şirəliyev Kənan Telman oğlu (2001-2020)

Təhsil

15 sentyabr 2012-ci il tarixində rayonun Qarabağlı kəndində 480 şagird yerlik tam orta məktəb binasının açılıb. Ümumilikdə Qarabağlı inzibati vahidliyində 4 təhsil ocağı var. Qarabağlı-1 və Qarabağlı-2 saylı tam orta məktəb Qarabağlı kəndində yerləşir. Kolanı və Təzəkənd kəndlərində isə ümumi orta məktəb və bir Uşaq bağçası fəaliyyət göstərir.

Səhiyyə xidməti

Qarabağlı Kənd həkim məntəqəsinin 15 nəfər tibb işçisi var. Rayon mərkəzindən 32 km aralıda yerləşir. Əhalisi 5236 nəfərdir. Gomuşçu Kənd həkim məntəqəsi. 8 nəfər işçisi var. Əhalisi 3216 nəfərdir. Kolanı Kənd tibb məntəqəsi. 2 nəfər tibb işçisi var. Əhalisi 1040 nəfərdir. Təzəkənd Kənd tibb məntəqəsi. 3 nəfər tibb işçisi var. Əhalisi 1857 nəfərdir.

Mədəniyyəti

Qarabağlı kəndində Şəhid Bəxtiyar Ağayev adına Mədəniyyət evi və bir neçə klub fəaliyyət göstərir.

İdman

Təbii aləmi, təbiəti və iqlimi

Kəndin yerləşdiyi Kür qırağı Şirvan düzünün yarım səhra iqlimi buraya xarakterikdir. Qarabağlı kəndi ilə Kərimbəyli kəndi arasında xalq arasında "Axmaz" gölü kimi tanınan şor sulu göl yerləşir. Bu göl əvvəllər Kür çayınıda daşqınlar zamanı yaranmışdır.Bu göldə və ətrafındakı qamışlıq ərazilərdə müxtəlif növ balıq, çaqqal, qunduz, su mışı, tısbağa, vağ, qarabataq, qaşqaldaq, cüllüt, çöl ördəyi, qışlamaq üçün gələn köçəri quşlar və sair məskunlaşıb.

İstinadlar

Xarici keçidlər