Lids Universiteti

Lids Universiteti (ing. University of Leeds) — İngiltərənin Qərbi Yorkşir vilayətinin Lids şəhərində yerləşən ali təhsil müəssisəsi; ölkənin ən aparıcı ali təhsil ocaqlarından biridir. Universitet tələbələrin sayının çoxluğuna görə ölkənin ikinci ən böyük ali məktəbidir.

Lids Universiteti
53°48′26″ şm. e. 1°33′06″ q. u.HGYO
Əsası qoyulub	1831
Tip	Dövlət
Tələbə sayı	33,585[1]
Şəhər	Lids şəhəri
Ölkə	Birləşmiş Krallıq
Sayt	leeds.ac.uk
Vikianbarda əlaqəli mediafayllar

Xarici əlaqələri

Lids Universiteti təlim və tədqiqat sahəsində qazandığı nailiyyətləri bölüşmək üçün dünyanın bir sıra ali təhsil müəssisələri ilə əməkdaşlıq edir. Avropanın bir çox ali məktəbi kimi Lids Universiteti də Erasmus Mundus proqramında iştirak edir, tələbə mübadiləsi proqramını həyata keçirir və qlobal tədqiqatlar aparmaqla dünyanın diqqətini özünə cəlb edir.

Lids Universiteti Rassell, Avropa Universitetləri, Birlik Ölkələri Universitetləri assosiasiyalarının, Beynəlxalq Universitetlər, Santander şəbəkələrinin, Ağ Qızılgül Universitet Konsorsiumunun üzvüdür.

Reytinqi

Böyük Britaniyanın "Times Higher Education Supplement - QS World Universities Rankings" jurnalının 2009-cu ildə apardığı dünya universitetlərinin reytinqinə əsasən, Lids Universiteti 100 ən yaxşı ali məktəb arasında 99-cu yerdə olmuşdur.

"Times Higher Education World University Rankings"in 2010-cu il üzrə dünyanın ən nüfuzlu universitetləri arasında apardığı araşdırmaya əsasən, Lids Universiteti 168-ci, "QS World University Rankings"in açıqlamasına görə isə 85-ci yerdə qərarlaşmışdır.

"QS World University Rankings"in 2011-2012-ci tədris ili üçün açıqladığı reytinq cədvəlində Lids Universiteti 93-cü, "Times Higher Education World University Rankings"in cədvəlində isə 133-cü yerdə idi.

Məşhur məzunları

Buranın məzunu olan məşhurlardan misal olaraq aşağıdakıların adlarını çəkmək olar:

• Bekele Geleta – Monqolustanın sabiq prezidenti;
• Cek Strou – Böyük Britaniyanın sabiq dövlət katibi;
• Mark Biford – BBC-nin baş direktorunun müavini;
• Nikolas Uitçel – BBC-nin xəbərlər üzrə müxbiri;
• Uilyam Henri Breq – fizika üzrə Nobel mükafatı laureatı;
• Corc Porter – tibb və fiziologiya üzrə Nobel mükafatı laureatı;
• Pyers Sellers – NASA-nın astronavtı;
• Kris Payn – amerikalı Hollivud aktyoru.

Mənbə

• Lamiyə Əliyeva, Dünya universitetləri: Lids Universiteti Arxivləşdirilib 2014-09-09 at the Wayback Machine, "Azərbaycan müəllimi" qəzeti, 11.11.2011, № 44.  (az.)

İstinadlar

1. "HESA Institution 2009–10". HESA. 2016-03-23 tarixində arxivləşdirilib. İstifadə tarixi: 16 avqust 2013.

Xarici keçidlər

• leeds.ac.uk — Rəsmi saytı