Lermontovo (Krasnodar diyarı)

Lermentovo — Krasnodar diyarının Tuapsinski rayonunda kənd.

Lermontovo
rus. Лермонтово (Краснодарский край)
44°18′14″ şm. e. 38°44′58″ ş. u.HGYO
Ölkə	Rusiya
Region	Krasnodar diyarı
Rayon	Tuapsinski rayonu
Tarixi və coğrafiyası
Əsası qoyulub	1958
Mərkəzin hündürlüyü	34 m
Saat qurşağı	UTC+3
Əhalisi
Əhalisi	1.122 nəfər (2010)
Rəqəmsal identifikatorlar
Telefon kodu	+7 86167
Poçt indeksi	352847
Xəritəni göstər/gizlə Lermontovo Lermontovo
Vikianbarda əlaqəli mediafayllar

Coğrafiyası

Kənd Qara dənizin Tenqinski körfəzinin sahilində, Tuapse-Novorossiysk magistral yolunun üzərində yerləşir. Cubqadan 5 km şərqdə, Şapsuxo çayının mənsəbində yerləşir. Lermontovodani çay boyu 4 km yuxarıda Tenqinka kəndi yerləşir.

Şapsuxo çayı ərazidə olan bir çox çaylar kimi bir başa dənizə tökülür. Dağlar arası vadilərlə axan çayların yuxarı axarları öz təbbi formasını qoruyub saxlaya bilib.^[1] Lermantovo kəndi dəniz səviyyəsindən 34 metr yüksəklidə yerləşir. İqlimi Aralıq dənizi iqlimidir. Yağıntılar əsasən payız-qış aylarında düşür. Yayı quraq və isti keçir.

Tarixi

1475-ci ildə kəndin yerləşdiyi ərazi digər Şimali Qara dəniz sahilləri kimi Osmanlı İmperiyasının tərkibinə daxil oldu. 1829-cu ildə Adrianpol sülh müaqaviləsindən sonra Rusiya imperiyasının təsir dairəsinə aid oldu. Qafqaz müharibəsi zamanı Şapsuxo aulunun yerində (adıq Шапсыгъэ)^[2] Qara dəniz sahil müdafiə xəttinin — Teqinski istehkamı yaradılmışdır.

1854-cü ildə Krım müharibəsi zamanı Novorossiysk bombalandıqdan və Qara dənizdə hökmranlıq edən İngiltərə-Fransız donanmasından açıq təhlükə yarandıqdan sonra Tenqinski istehkamı ləğv edildi.

Müasir kəndi bu ərazidə heç vaxt çatmayan Tenqinski piyada alayının leytenantı, şair Mixail Lermontovun adını daşıyır. Tenginski alayı 1838-ci ildə Şapsuxo çayının mənsəbində tikilmiş Tenginskoye istehkamında qarnizon qurmuşdur.

Kənd Krasnodar diyarının İcraiyyə Komitəsinin 24 sentyabr 1958-ci il tarixli qərarı ilə yaşayış məntəqələri siyahılarında qeydə alınmışdır.

Əhalisi

1987-ci il yanvarın 1-nə olan məlumata görə Lermontovo kəndində 605 nəfər yaşayırdı. 2010-cu ilin məlumatına əsasən Lermontovoda əhalinin sayı 1122 nəfərdir.^[3]

İqtisadiyyatı

Kənddə müxtəlif pansionatlar var. Hazırda Lermontovo kifayət qədər inkişaf etmiş kurort ərazisidir. Yayda turistləri Tenqinski körfəzinin qumlu çimərlikləri cəlb edir. Lermontovonun bütün ərazisi yetərincə dəyişdirilib: çoxlu sayda otel və əyləncə kompleksləri, su parkları, sağlamlıq mərkəzləri inşa olunub.

İstinadlar

1. Сайт поселка Лермонтово
2. Светлана Григорьевна Кудаева. Адыги (черкесы) Северо-Западного Кавказа в ХИХ веке: процессы трансформации и дифференциации адыгского общества. — Нальчик: Майкопский государственный технологический университет, 2007. — С. 183. — 301 с. — ISBN 9785926922097.
3. "Arxivlənmiş surət". 2021-05-18 tarixində arxivləşdirilib. İstifadə tarixi: 2021-10-30.