Gürcüstan baş nazirlərinin siyahısı
From Wikipedia, the free encyclopedia
Gürcüstan baş nazirlərinin siyahısı — 26 may 1918-ci ildən sonra ölkədə respublika quruluşu təyin edilmişdi, bu vaxtdan başlayaraq Gürcüstan Respublikasının Baş nazirləri bu siyahıda göstərilib. Bu siyahıda Gürcüstanda 1918-ci ildən 2015-ci ilədək Baş nazir və ya analoji vəzifəni tutan şəxslər təqdim olunub. Gürcüstanın ilk Baş naziri Noy Ramişvili idi, indiki isə Georgi Kvirikaşvilidi. Baş nazir vəzifəsi Gürcüstan Demokratik Respublikasının 1918-ci ildə müstəqillik elan etdikdən dərhal sonra yaradılıb. Gürcüstan Demokratik Respublikasının mövcud olduğu dövrdə vəzifə hökumət sədri (gürc. მთავრობის თავმჯდომარე) adlanırdı.
Gürcüstan Baş naziri | |
---|---|
gürc. საქართველოს პრემიერ-მინისტრი | |
| |
Vəzifədədir İrakli Kobaxidze 8 fevral 2024-cü ildən | |
Başçılıq edir | | |
Rəsmi iqamətgahı | yoxdur |
Vəzifənin təsis tarixi | 23 avqust 1991 |
Rəsmi saytı | gov.ge/index.php?lang_id… |
Vikianbarda əlaqəli mediafayllar |
Sovet qoşunlarının Gürcüstan ərazisinə soxulduqdan sonra Baş nazir postu ləğv olundu, lakin onun əvəzinə Xalq Komissarları Sovetinin sədri (gürc. სახალხო კომისართა საბჭოს თავმჯდომარე), daha sonra isə Nazirlər Şurasının sədri (gürc. მინისტრთა კაბინეტის თავმჯდომარე) vəzifələri yaradılmışdı.
Müasir anlayışda Baş nazir postu 1991-ci ilin avqustunda bərpa edildi, lakin 1995-ci ilin dekabrında ləğv olundu. Baş nazir postu əvəzinə Dövlət naziri (gürc. სახელმწიფო მინისტრი) postu yaradıldı. 2004-cü il fevralın 6-da konstitusiya islahatları həyata keçirildi, nəticədə Nazirlər Kabinetinin institutu və Baş nazir postu bərpa edildi.
Mövcud qanunvericiliyə görə, prezident baş nazir vəzifəsinə namizədi parlamentə təqdim edir. Baş nazirin namizədliyi parlament tərəfindən qəbul edilərsə, Baş nazir prezidentin razılaşması ilə Nazirlər Kabinetini yaradır.