David Saracişvilinin evi

David Qabaşvilinin evi (gürc. მწერალთა სახლი) və ya Gürcüstan Yazıçılar Birliyinin binası – Tbilisi şəhərinin Sololaki rayonunda, Maçabeli küçəsi 13 ünvanında yerləşən malikanə tipli yaşayış binasıdır. Hazırda binada Gürcüstan Yazıçılar Birliyi yerləşir.

David Saracişvilinin evi
gürc. მწერალთა სახლი
41°41′24″ şm. e. 44°47′58″ ş. u.HGYO
Ölkə	Gürcüstan
Şəhər	Tbilisi
Yerləşir	Maçabeli küçəsi 13
Aidiyyatı	David Saracişvili Gürcüstan Yazıçılar Birliyi
Memar	Karl Zaar
Tikilmə tarixi	1905
Üslubu	Gürcüstan memarlığı
Vəziyyəti	qəzalı
Vikianbarda əlaqəli mediafayllar

Tarixi

Bina, 1905-ci ildə xeyriyyəçi David Saracişvilinin (1848-1911) sifarişi ilə inşa edilmişdir. Binanın layihəsi berlinli memar Karl Zaar tərəfindən hazırlanmışdır.^[1] İnşaat işləri üçün seçilən yerdə daha əvvəl Saracişvilinin atasının evi olmuşdur. Tikinti 1903-1905-ci illərdə Aleksandr Ozorov və Korneli Tatsevin rəhbərliyi altında aparılmışdır. 1905-ci ilin mayında – Devid və Yekaterina Porakişvililərin gümüş toyuna kimi bina təhvil verilmişdir.

Binanın memarlıq stili barokko və müasir memarlıq tərzlərinin qarışığından formalaşdırılmışdır. Malikanənin ineryerləri İlya Mamaçaşvili tərəfindən işlənmişdir.^[2]

Evdə tez-tez yığıncaqlar, rəssamların görüşləri, müzakirələr, sərgilər və konsertlər təşkil olunurdu.

1911-ci ildə Saracişvilinin ölümündən sonra ev yerli özünüidarə orqanına hədiyyə edilmiş, lakin əsas şərt kimi evdə bədii qalereya və ya incəsənət muzeyinin yaradılması göstərilmişdir.

1912-ci ildə ev Akakiy Xoştariya tərəfindən alınmışdır. Məhz onun ev sahibi olduğu dövrdə bu imarətdə Rusiya imperatoru II Nikolay qonaq kimi qəbul edilmişdir.

Gürcüstanda SSRİ hakimiyyətinin qurulmasından sonra 1921-ci ildə Xoştariya Gürcüstanı tərk etmiş, ev isə Gürcüstan İnqlab Komitəsinə daxil olan rəssam və yazıçıların istifadəsinə verilmişdir. Binada Yazıçılar Birliyinin fəaliyyətə başlamasından sonra müxtəlif vaxtlarda burada Qorki^[3], Yesenin, Mayakovski, Bulqakov, Tabidze, Qabaşvili, K. Qamsaxurdiya və başqaları olmuş, evin otaqlarından birində isə Osip Mandelştam yaşamışdır.

22 iyul 1937-ci ildə yazıçı Paolo Yaşvili bu binada özünü güllələmişdir. Yazıçı Tisian Tabidze tərəfindən hədiyyə olunmuş (Tabidze əvvəlcə həmin tapançanı Yeseninə hədiyyə etmək istəsə də, sonradan fikrini dəyişmişdi) tapançanı istifadə etmişdir.^[4]

Ev dövrümüzə ilkin formasını qoruyaraq, o cümlədən rəsmlərlə bəzədilmiş tavanları, çilçıraqları, böyük kamini və unikal bağı ilə birlikdə çatmışdır.

İstinadlar

1. "В Тбилиси есть еще одно место, помимо коньячного завода, которое неразрывно связано с памятью о Давиде Сараджишили". 2020-11-28 tarixində arxivləşdirilib. İstifadə tarixi: 2019-04-30.
2. "Тифлисский журнал". 2019-04-30 tarixində arxivləşdirilib. İstifadə tarixi: 2019-04-30.
3. "Максим Горький (в центре) среди грузинских писателей в саду Дворца писателей. 24 июля 1928 года". 2018-07-06 tarixində orijinalından arxivləşdirilib. İstifadə tarixi: 2019-04-30.
4. "Дом Сараджева В 1921 году сюда поместили Дом Писателей Грузии. Именно здесь застрелился писатель Паоло Яшвили". 2021-10-19 tarixində arxivləşdirilib. İstifadə tarixi: 2019-04-30.

Ədəbiyyat

• Артём Синцов Грузия пешком. Самые интересные прогулки по Грузии. Москва: Издательство «Эксмо», 2018. 256 с. ISBN 978-5-04-090136-4

Xarici keçidlər

• Старый Тбилиси: Дом Писателей, Грузия, 02.02.2015