Aresibo mesajı
From Wikipedia, the free encyclopedia
Aresibo mesajı – tezlik modulyasiya radio dalğaları yolu ilə, Aresibo radio teleskopunun yenilənməsini qeyd etmək üçün 16 noyabr 1974 tarixindəki mərasimdə, yalnız bir dəfə (təkrarlı deyil) kosmosa göndərilmişdir. Mərasimin qeyd edildiyi tarixdə və yerdə, səmada görülə bilən ən yaxın və geniş bir ulduz toplusu olması səbəbiylə, 25000 işıq ili uzaqlıqdakı M13 kürəşəkilli ulduz bölgəsinə doğru göndərilmişdir. Mesaj 1679 ikilik ədəd sistemi rəqəmindən ibarətdir və təxmini olaraq 210 bayttır. Mesaj 2380 MHz tezlikdə, "sıfırlar" və "birlər" arasındakı fərq 1000 kW gücündəki 10 Hz'lik dəyişikliklərlə nizamlanmışdır. Məlumat saniyədə 10 bit olacaq şəkildə nümayiş olunmuşdur. Yayının ümumi müddəti üç dəqiqədən daha qısa olmuşdur.
![Thumb image](http://upload.wikimedia.org/wikipedia/commons/thumb/5/55/Arecibo_message.svg/320px-Arecibo_message.svg.png)
Mesajdakı bit sayı olan 1679, bir yarı sadə (iki sadə ədədin hasili) olduğu üçün seçilmişdir. Bu rəqəm, mesaj məzmunundakı hər bir bit 23 sütun və 73 sətir olacaq şəkildə ard arda düzüldüyündə, içində müxtəlif naxışlar saxlayan bir düzbucaqlı meydana gətirir. 73 sütun və 23 sətir olaraq yazılması halında ortaya mənasız və kompleks bir model çıxar. Şəkildəki bitlər qrafik xarakterlərə ya da boşluqlara çevirildiyinde sağdakı şəkildə görülən naxış (rəng məlumatı daşımadığı üçün rəngsiz olaraq) meydana gəlir.
O dövrdə Cornell Universitetində olan və məşhur Drake tənliyinin yaradıcısı Dr. Frank Drake, Carl Sagan və başqa şəxslərin köməyiylə mesajı yazılmışdır. Mesaj yeddi parçadan meydana gəlmişdir. Bu parçalar hər biri ayrı ayrılıqda bunları ifadə edir:
- 1dən 10a qədər ədədlər
- Dezoksiribonuklein turşusu (DNT) meydana gətirən elementlər olan hidrogen, karbon, azot, oksigen və fosforun atom nömrələri
- DNT nükletotitlərindki şəkər və əsasları düsturları
- DNT nükleotitlərinden bəziləri və DNT-nin ikili sarmal quruluşunu göstərən bir fiqur
- Bir insan fiquru, ortalama boydakı yetişkin bir kişinin boyu və Dünyadakı insan əhalisi
- Günəş sisteminin bir qrafiki
- Aresibo radio teleskopunun bir qrafiki və mesajın göndərildiyi antena çanağının diametri Mesajın çatmasının hədəfləndiyi ulduzlara çatması 25000 il (və ola biləcək bir cavabın bura çatması (geri qayıtması) üçün 25000 il daha) vaxt alacağı üçün Aresibo mesajı, dünya xarici ağıllı varlıqlarla bir ünsiyyət qurma səyindən çox, insanlığın texnoloji inkişafının bir göstəricisi olmuşdur. Həqiqətdə isə, mesajın hədəf alınaraq göndərildiyi ulduzlar mesaj oraya çatdığında orada olmayacaqlar. Cornell News qəzetinin 12 noyabr 1999-cu il tarixli çap versiyasına görə, bu çatdırılma əsas məqsədi mesajın bəzilərinə çatması deyil, yeni qurulan avadanlığın necə çalışdığının yoxlanması üçün edilməsidir. avqust 2001-ci ildə Birləşmiş Krallıqda Chilbolton teleskopu yaxınlarındakı bir tarlada olan çevrə formalı şəkillərin, Arecibo mesajına yadplanetlilərdən gələn bir cavab olduğu iddia edilmişdir. SETI@home isə, bu qrafik və şəkillərin yadplanetlilərlə əlaqəli olduğunu iddia edə bilmək üçün heç bir dəlilin olmadığını irəli sürdü.