From Wikipedia, the free encyclopedia
<table class="infobox " style="text-align:center; " data-name="Ан-НахІл — النحل">
На
«ан-Ниʻам»
Маккаялъулаб
70
Статистика
16
128
14
27,28
16
1 (50-леб аят)
2840
7707
QuranAcademy.org
IslamNews.ru
Ан-НахІл (гІар. النحل — На) — Къуръаналъул анцІилаанлъабилеб сура.
Сура букІана рештІун Маккаялда, ва гьелда жаниб буго 128 аят[1].
Гьаб сураталда жанибги аслияб бакӀ кколеб буго Аллагь вукӀин чӀезе гьабулел далилал рициналъ, гьев жиндие гӀибадат гьабизе хӀакъав БетӀергьан вукӀинги чӀезе гьабулеб буго. Аварагзаби ритӀи, ахират букӀин, хӀисаб-мизан, алжан-жужахӀ букӀинги баян гьабулеб буго.
Аллагьасул хӀалкӀолъиялда тӀоритӀел гьабулел далилал рачун зобал-ракьал, гӀорал, мугӀрул, ралъадазул бицун буго. Зодисан рещтӀунеб цӀадалъул, ракьалдасан бижулеб хур-хералъул бицун буго. Зодир хьвадулел цӀвабзазул, ралъдада хьвадулел гумузул бицун буго: гьел киналго далилалги руго инсанасул хӀавасаздалъун (жо лъалел лугби: бер, гӀин) жал лъалел ва жиделъ пикру гьабун гьезул БетӀергьан вукӀиналда тӀоритӀел гьабулел.
Аллагьасул свалат салам лъеяв аварагасда вахӀю рещтӀине байбихьараб мехалъ маккаялъул мушриказ гьев махсароде гьавиялъул бицен гьабун буго. Къиямасеб къоялде инкар кквеялъул, гӀазаб хех бачун вачӀа абун аварагасда тӀад релъанхъиялъулги бицун буго. Аллагьасда ва гьесул кӀудиял ва гӀемерал нигӀматазда инкар ккурал гӀадамазул ахир кин кколеб бицун, гьедин инкар кколел чагӀазе хӀинкъи кьолеб буго. сураталъул ахиралдаги Аллагьасул свалат салам лъеяв аварагасда амру гьабулеб буго Аллагьасул диналде халкъ ахӀе абун берцинаб хабаралдалъун ва хӀикматалдалъун: гӀелмиял далилал рачун ва мисалал рачун.
Аллагьасде халкъ ахӀулаго щвараб къварилъиялде сабру гьаби ва гӀадамаздаса тӀаса лъугьун, гьезда гурхӀел гьабе абунги амру гьабулеб буго хирияв аварагасда.
Сураталда цӀар тун буго «Найялъул сурат» абун, гьаб сураталда жаниб гьеб гӀажаибаб рухӀчӀаго-лъиялъул бицен гьабулеб букӀиналъ. Аллагьасул хӀалкӀолъиялда, гьесул гӀелму къудраталда тӀоритӀел гьабулел гӀемерал хӀикматал руго гьеб гьитӀинаб наялъул хьвадиялде балагьарав чиясе.[2]
Набзазул хІакъалъулъ сураялда хъван буго 68 ва 69 аятазда.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.