Синаялъул бащдаб чӀинкӀиллъиялда тӀад А321-ялъул катастрофа
From Wikipedia, the free encyclopedia
From Wikipedia, the free encyclopedia
Синаялъул бащдаб чІинкІиллъиялда тІад А321-ялъул катастрофа — ккола, 2015 соналъул щамат къо 31 октябралъ Синаялъул бащдаб чІинкІиллъиялъул централияб бутӀаялда ккараб дунялалъул авиациялъул тарихалда жаниб бищун чӀахӀиял катастрофабазул цояблъун ккараб авиациялъул катастрофа. Россиялъул «Когалымавиа» (Metrojet марка) авиакомпаниялъул авиалайнер Airbus A321 букӀана туризмаялъул Brisco операторалъ ижараялъе босун иргадулал гурел рорженал гьабизе биччан Шарам аш-Шайх — Санкт-Петербург мухъалда. Ракьалдаса батӀалъун 23 минут араб заманаялда экипажалъулгун бухьен къотӀана ва жибго лайнер радараздаса тӀагӀана[3]. Египеталъул хӀукуматалъул хъирщиялъул къокъабазда самолёталъул хутӀарал кускул ратана Нехел (инг.)авар. шагьаралда аскӀоб.
ГІаммал баянал | |
---|---|
31 октябрь 2015 сон | |
07:15 МСК (гӀага-шагарго) | |
Халип:Флаг / Египет Синаялъул бащдаб чІинкІиллъи, Ал-ГІаришалдаса къиблаяб рахъалдехун (Египет) |
|
30°11′10″ ш. гӀ. 34°09′26″ бб. х.HGЯO | |
224 (киналго) | |
Гьавадул гама | |
15 моцӀалъ цебе бахъараб бортараб самолеталъул сурат |
|
Airbus A321-231 | |
Россия «Когалымавиа» (Metrojet) | |
Халип:Флаг / Нидерландал AerCap (инг.)авар. | |
Халип:Флаг / Египет Шарам аш-Шайх (Египет) | |
Россия Пулково, Санкт-Петербург (Россия) | |
7K-9268[1][2] | |
EI-ETJ | |
9 май 1997 сон (тӀоцебесеб роржен) | |
7 |
Киналниги борталда рукӀарал 224 чи (гьездаса 17 лъимер ва 7 экипажалъулав) хвана[4].
Гьеб ккола Египеталъул тарихалда ва Airbus A320 самолётазул тарихалда жаниб ккараб бищун кӀудияб авиациялъул катастрофа[5]. Гьединго авиакатастрофаялда бищун гӀемер Россиялъул ватӀанчагӀи хвараб катастрофа[6].
«Исламияб Пачалихъ» абулеб хӀинкъикьеялъул къокъаялъ Египеталда бортараб Россиялъул самолёталъул жавабчилъи тӀаде босана.[7] Кинго Египеталъул тадчагӀаз А321 бортиялъе сабаблъун чӀезабулеб буго техникиял гъалатӀал. БатӀи-батӀиял информалатаз бицана Египеталъул хӀинкъибукӀунгутӀиялъул хъулухъазул рагӀабаздасан, самолёт бортиялъулъ кинабгӀаги хӀинкъикьеялъул акт гьечӀоян[8].
Самолёт бачунеб букӀана россиялъул экипажалъ, кӀиго пилотасдасан ва щуго бортпроволникасдасан гӀуцӀараб[12][13]:
Росавиациялъул баяназда рекъон, борталда рукӀун руго 192 чӀахӀиял пассажирал ва 25 гІисинал лъимал[14].
КъватӀисал видеофайлал | |
---|---|
«Когалымавиа»-ялъул самолёт бортараб бакӀ гьаваялдасан |
30 октябралъ EI-ETJ борталъ гьабун кӀиго рейс 7K-9266/9265 Шарам аш-Шайх — Самара — Шарам аш-Шайх маршруталда. Шарам аш-Шайхалда гӀодоб рещтӀин гьабун букӀана 15:30 UTC. Шарам аш-Шайхалъул аэропорталда самолёталъе гьабуна техникаялъулаб хъулухъ, ва 31 октябралъул радал гьеб бачине хӀадурана цӀияб экипажалъ, хадусеб 7K-9268 рейс гьабилалда цебе[15][16].
03:49 UTC (05:49 бакӀалъул заманалда рекъон) 9268-еб рейс гьаваялде бахъана аэропорталдаса, ва ГІакъаба ралъдал мацІ ккун рагӀалдасан боржунаго гьелъ борхалъи босулеб букӀана. Flightradar24 сайталъул баяназда рекъон, 04:13 минут араб мехалда 404 узелалъул хехлъигун (748 км/с) 9268-еб рейс бахана 30875 футалде (9411 м), ва гьеб мехалъ гьелъулгун бухьен тӀагӀана. 04:13:19 UTC заманалда рекъон EI-ETJ борт тӀагӀана радиолокаторазул экраназдаса; гьеб мехалъ гьелъул борхалъи букӀана 27925 фут (8512 м), нухлул хехлъи — 62 узел (115 км/с). ГӀага-шагарго 04:15 UTC (06:15 бакӀалъул заман, 07:15 MSK рекъон) «Аэробус» бортана мугӀрузул мухъалде Синаялъул централияб бутӀаялданая.
Россиялъул Президент Владимир Путиница гъваридаб зигара бана хваразул гӀагарлъиялда. Премьер-министр Дмитрий Медведевасда тӀад къана, Египеталда бортараб «Когалымавиа»-лъул самолёт бортиялда хурхун пачалихъияб комиссия гӀуцӀизе[17]. Россиялда 1 ноябрь лъазабуна чІегІербаялъул къолъун[18][19].
Гьединго зигара бан бачӀана Египеталъул[20], Эрменистаналъул, Белоруссиялъул, Украиналъул[21], Азарбижаналъул, Турциялъул, Франсиялъул[22][23], АЦШ-ялъул[24], Эстониялъул[25] ва цоги пачалихъазул церехъабаз.
Emirates Airline, Air France ва Lufthansa авиакомпанияз чӀезе тана Синаялъул бащдаб чӀинкӀиллъиялда тӀасан рукӀарал рорженал, россиялъул лайнер бортиялъе сабабал чӀезаризегӀан[26][27].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.