Ираналъул провинцияби
From Wikipedia, the free encyclopedia
Остан (парс استان ) — Ираналъул тӀоцебесеб даражаялъул территориябгун-административияб ракь. Щибаб останалъул бетӀерлъиялда вуго генерал-губернатор (парс استاندار — остандар). Монархиялъул заманаялъ остандарал шагьас рищулел рукӀана, гьанжейин абуни гьел Жанисел амрабазул министерствоялъ рищула ва Исламияб республикаялъул президентас тасдикъ гьарула[1]. Жалго останал рикьула 324 шагьрестаназда (парс شهرستان ); жедер иргаялда гьелги цинги бахшазда (парс بخش ), гьезул къадар бахула 740. Бахшал рикьула дегьестаназда — чанго росу данде ракӀарулел росдал округазда. Шагьрестаназул кӀудиял ккола фармандарал: гьел ва бахшазул бутӀрул — бахшдарал, — хъулухъалда рищула Ираналъул ЖАМялъ. Дегьестаназул бетӀерлъул руго дехдари абун ругел росдал советал, гьезул бутӀрулги ккола дегьдарал[1].