Zacatecas ye unu de los trenta y un estaos que, xunto cola Ciudá de Méxicu, formen los Estaos Xuníos Mexicanos. Foi fundáu'l 23 d'avientu de 1588. La so capital y ciudá más poblada ye la homónima Zacatecas. Ta allugáu na rexón centronorte del país, llindando al norte con Coahuila, al nordeste con Nuevo León, al este con San Luis Potosí, al sur con Guanajuato, Jalisco y Aguascalientes, al suroeste con Nayarit y al oeste con Durango. Con 75 539 km² ye l'octavu estáu más estensu —por detrás de Chihuahua, Sonora, Coahuila, Durango, Oaxaca, Tamaulipas y Jalisco—, con 1 579 209 habs. en 2015, l'octavu menos pobláu —per delantre de Quintana Roo, Aguascalientes, Tlaxcala, Nayarit, Campeche, Baxa California Sur y Colima, el menos pobláu— y con 19,73 hab/km², el sestu menos densamente pobláu, per delantre de Sonora, Campeche, Chihuahua, Durango y Baxa California Sur, el menos densamente pobláu.