Willemstad ye una ciudá de Curaçao, territoriu autónomu del Reinu de los Países Baxos, y el so capital política, llexislativa y alministrativa, amás de ser la so ciudá más grande y poblada, y el so puertu principal. Yera la capital de les Antilles Neerlandeses hasta la dixebra de Curaçao de la mesma en 2010. Esta ciudá ye famosa por ser un exemplu únicu de l'arquiteutura colonial neerlandesa nel mar Caribe, y el so área histórica, centru de la ciudá y puertu fueron declaraos Patrimoniu Mundial de la Humanidá pola Unesco nel añu 1997. Nesta alcuéntrase, ente otros, la sinagoga Mikvé Israel-Emanuel que ye la más antigua del continente americanu en continuu funcionamientu (1651).