La torre Ostánkino, ye una torre de telecomunicaciones allugada en Moscú, Rusia. Tien 540 metros d'altor y ye la torre más alta d'Europa, la cuarta torre más alta del mundu, solo superada pola Tokyo Sky Tree, la Torre de Televisión de Cantón y la CN Tower, y l'octavu edificiu más altu del mundu (l'edifico más altu del mundu ye'l rascacielos Burj Khalifa. Foi mientres ocho años l'edificiu más altu del mundu y la primer estructura de pies llibre en superar los 500 metros d'altor. Ta incluyida na llista de la Federación Mundial de Grande Torres. Debe'l so nome al distritu Ostánkino de Moscú, onde ta allugada, asitiáu al norte de la ciudá. Inauguróse'l 5 de payares 1967, na viéspora del 50 aniversariu de la Revolución d'Ochobre.